Калиумот е важен за здравјето на мускулите, но дали знаете дека магнезиумот е важен за здравјето на срцето? Тој е есенцијален минерал кој помага и за здравјето на коските, нервите и мускулите, како и за контрола на шеќерот во крвта. Освен овие придобивки, магнезиумот е од суштинско значење за срцевиот ритам и одржување на нивото на крвен притисок.
Магнезиумот и срцето
Магнезиум е од суштинско значење за правилно функционирање на срцето. Тој е вклучен во трансферот на другите електролити, како што се калциум и калиум, кои се важни за нервните сигнали и мускулната контракција. Истражувањата покажаа дека недостиг на магнезиум може да предизвика неправилна работа на срцето, позната како аритмија.
Една студија покажала дека недостигот на магнезиум е поврзан со едно од најчестите заболувања на срцето, атријална фибрилација. Оваа неправилна ритмичност на срцето се случува кога се нарушува испраќањето на електрични импулси.
Магнезиумот и крвниот притисок
Научниците откриле зголемувањето на внесот на магнезиум може да помогне да се спречи високиот крвен притисок. Една студија покажа дека ниски нивоа на магнезиум се поврзани со ризикот од хипертензија и срцеви заболувања, особено срцев удар.
Колку магнезиум е доволно?
Здрави возрасни лица треба да внесуваат околу 25g на магнезиум дневно. Препорачаната дневна доза на магнезиум варира во зависност од возраста и полот. За мажи, на возраст од 19 до 30 години, се препорачува 400 mg магнезиум и за жени на иста возраст група, 310mg на магнезиум. Мажи постари од 31 години треба да земаат 420mg магнезиум , додека жените 320mg магнезиум. Ако вашиот лекар се сомнева за недостиг на магнезиум во телото, тој ќе направи крвни анализи. Нормално ниво на магнезиум во крвта изнесува 1,7-2,3 mg / dl. , недостиг се смета кога нивото е пониско од 1.0mg /dl.
Храна богата со магнезиум
Експертите истакнуваат дека потребата на телото за магнезиум треба да ги надополнува преку соодветна исхрана. Храна која е богата со магнезиум се бадеми, производи од соја (тофу) и зелен лиснат зеленчук како спанаќ. Само 30 грама бадеми содржат 80 мг магнезиум, пола чаша спанаќ содржи 78 мг милиграми магнезиум. Други добри извори на магнезиум се мешунките, соја млеко, црн грав, авокадо и цели зрна. Една средна банана содржи околу 32 мг магнезиум.
Како телото се регулира магнезиум во крвта?
Помалку од 1% магнезиум во телото се наоѓа во крвта, поголем дел (60%) во коските, остатокот во другите клетки во телото. Кога на телото му недостига магнезиум, бубрезите лачат помалку магнезиум преку урината.
Кој е во опасност?
Ниско ниво на магнезиум или засилената загуба на магнезиум може да предизвика недостиг на магнезиум во телото. Сепак, одредени состојби и болести, како што се алкохолизмот, дигестивните болести и дијабетес тип 2 можат да го зголемат ризикот од недостиг на магнезиум во телото.
