Дeведесет проценти од пациентите со лупус се жени
Лупус се јавува кога имунолошкиот систем не функционира нормално. Оваа абнормална активност на имунолошкиот систем предизвикува оштетување на ткивата. Доколку не се дијагностира на време и не се лекува соодветно, може да дојде до оштетување на органите. Симптомите кај оваа автоимуна болест може да се разликуваат кај пациентите, од благи симптоми со чести промени на кожата до опасни состојби кои влијаат на работата на срцето, бубрезите или нервниот систем. Од 1970 година бројот на заболени од лупус е трипати зголемен, а причините се сè уште непознати.
