Децата уживаат додека се во вода, посебно во топлите летни денови. Без разлика дали користите јавен базен или базен во вашиот двор, бидете сигурни дека пливањето е безбедно и забавно, посебно за најмалите. И покрај забавата, постојат потенциjaлно опасни ситуации кои треба секој родител да ги знае.
Заградете го базенот
Доколку имате базен во дворот, заградете го за да се осигурете дека детето нема да може да пристапи до него. Важно е оградата да биде доволно висока за да не може детето да влезе само, во случај да не сте вие во негова близина.
Прво научете го детето да плива
Децата треба од најмали нозе да научат како да се одржуваат на вода. Американската асоцијација на педијатри препорачува децата да почнат со пливање од 4. година. Доколку веќе сте одлучиле да го носите на базен, бидете сигурни дека детето ги има основните познавања за одржување во вода.
Научете како да дадете прва помош
Од големо значење е да знаете да дадете вештачко дишење и ургентна прва помош во случај на несреќа.
Не заборавајте фактор за сончање
Факторот за сончање е првото нешто на кое треба да помислите доколку го изложувате детето на сончевите зраци во лето. По излегувањето од вода, повторете го нанесувањето фактор за сончање. Користете средство со фактор над 35.
Внимавајте на сончаница
Долгото изложување на сончеви зраци е штетно за секој организам, а посебно на детскиот. И покрај тоа што водата ги разладува, сепак, влијанието на сончевите зраци во денови со висок УВ индекс е потенцијална опасност за појава на сончаница и топлотен удар. Избегнувајте изложување на децата во летните денови во периодот од 11 до 16 часот.
