Една од најдобрите и најлошите работи во бременоста е копнежот по храната. Овој копнеж за храна во бременоста не може да се спореди со обичниот копнеж бидејќи е милион пати посилен. Се будите со огромна желба за голема чоколада или леден ултракалоричен шејк или во сред ноќ го будите сопругот да ви купи и испржи сланина. Нормално, секогаш бебето го добива тоа што го сака. Еве неколку топ храни по кои жените „лудуваат“ кога се бремени.
Лед
Бремените жени уживаат во џвакањето лед. Звучи чудно бидејќи ледот ниту е храна, ниту, пак, би ни паднало на ум дека може да биде толку интересен. Во секој случај, трудниците не можат да престанат.
Чоколадо
На чоколадото или кое било друго слатко нешто не може да одолее ниедна трудница. Ова, најверојатно, е резултат на фактот дека чоколадото ве прави среќни. Доколку сте загрижени бидејќи внесувате големи количини чоколадо, потрудете се да најдете соодветна замена, како што е сирупот од свежо овошје.
Зачинета храна
Зачинетата храна од типот на кари и лути црвени пиперчиња сé уште една голема страст за бремената жена. Лутата храна го опушта телото. Знаејќи го фактот дека доколку набрзо го очекувате бебето речиси е неверојатно да се опуштите, додајте лута храна во вашиот следен оброк.
Кисели краставички
Бремените жени кои често посегнуваат по кисели краставички може да имаат недостиг на солена храна , иако за ова нема конкретен научен доказ. Некои го сакаат крцкавиот звук, некои уживаат во оцетот, некои го сакаат освежувачкиот вкус. Како и да е, копнежот по киселата краставичка не е загрижувачки. Тие имаат малку калории, ги има речиси во секој маркет и не се скапи.
Чипс
Чипсот е солен, па затоа, исто како и со краставичките, можно е да имате недостиг на сол. Но, сепак, поверојатно е дека посакувате нешто солено и крцкаво па чипсот е првата работа која ви доаѓа на ум. Чипсовите се преполни со калории, па потрудете се да ги замените со нискокалорични пуканки.
Овошје
Замислете, бремените жени не лудуваат само по нездрава храна. Тие „навалуваат“ и на овошје. Вие сакате здраво дете, па затоа понекогаш потребна ви е дополнителна здрава храна која ќе ве осигура дека тоа ќе го добиете. Овошјето како лубеница и грозје се освежувачка варијанта и се премногу здрави за вас и за вашето бебе.
Кафе
Иако многу доктори не препорачуваат кафе за време на бременоста, тоа е најпосакуваната работа од страна на жените кои се бремени, а посебно доколку и пред да забременат уживале во вкусот на кафето. Кафето ве прави поостри и ги намалува главоболката и депресијата. Консултирајте се со вашиот доктор за тоа дали една шолја кафе во денот ќе ѝ одговара на вашата бременост.
