Ciste të cilat janë gunga të mbushura me lëng, formohen si rezultat i zgjerimit të gjëndrave të qumështit. Një në katërmbëdhjetë gra të moshës 40 deri 49 vjeç ka një cist. Ato përbëjnë 25% të ndryshimeve të zbuluara në gji. Një e pesta e cistave janë më të mëdha se 1 cm, ndërsa gjysma e tyre janë të shumta. Nënat që ushqejnë fëmijën me gji kanë cista galaktocele të mbushura me qumësht. Ndërsa cistet e thjeshta zhduken pas një viti, 12% e tyre ekzistojnë edhe pas 5 vitesh.
Cistet e thjeshta kanë membrana të buta, ndërsa cistet komplekse kanë pjesë të ngurta që ndahen me membrana të padrejta dhe përmbajnë një lëng të trashë. Cistet e paprekshme të thjeshta (ato që nuk mund të ndjehen me prekje) dhe janë të dukshme në ultrasonografi dhe RM nuk kanë nevojë të monitorohen nëse nuk shkaktojnë dhimbje ose simptoma të tjera.
Cistet të lidhura me ciklin menstrual mund të zvogëlohen ose të fryhen. Lëngu nga cisti i prekshëm dhe i dhimbshëm mund të nxirret me një shiringë. Nëse lëngu është i përgjakur dhe / ose hiqet nga një cist i përsëritur, ai mund të dërgohet për analizë patologjike. Nëse cista nuk shfaqet brenda 3 muajve dhe nuk është e përgjakur, ajo konsiderohet si një cist beninj. Sidoqoftë, në rastet kur përmbajtja e cistit është e përgjakshme, mostrat duhet të dërgohen për analizë patologjike për shkak të mundësisë nga ekzistimi i karcinomës intracistike. Nëse paraqesin kushte të këtilla të dyshimta, këto ciste hiqen në mënyrën kirurgjikale. Pjesa e ngurtë duhet të analizohet me biopsi dhe aspiracion citologjik.
