Општа слабост и замор – најчести симптоми за недостиг на витамин Б12
Витаминот Б12 ја зголемува енергијата, го подобрува целокупното здравје и помага побрзо да го намалите вишокот килограми. Има важна улога во создавањето на ДНК, нервните и крвните клетки. Од особено значење е за нормална функција на мозокот и имунолошкиот систем. Единствен извор на витаминот е храна од животинско потекло како јајца, месо, школки и млечни производи. За најбогат извор се сметаат рибата и месото.
Хеликобактер пилори – главен виновник за карциномот на желудник
Карциномот на желудник потекнува од внатрешната слузокожа на желудникот. Болеста почнува тивко и бавно, без одредени специфични симптоми на почетокот. Често овој вид карцином е асоциран со инфекција со хеликобактер пилори, која живее во гастричната слузница и се пренесува орално. Според Светската здравствена организација, оваа бактерија е главниот виновник или број еден карциноген во појавата на карциномот на желудник. За најчестите симптоми, дијагнозата и третманот разговаравме со д-р Владимир Аврамовски, специјалист по дигестивна хирургија.
Д-р Маја Каличанин: Седењето во W положба ги ослабнува моториката и мускулатурата на децата (ИНТЕРВЈУ)
Несвесно низ игра децата честопати ноџињата ги поставуваат во W положба (познато како „frog leg“, седење како жаба), а родителите веднаш реагираат и ги преместуваат во друга позиција. Што всушност се случува со телото поставено во оваа положба, дали е строго забрането седењето во W положба и како правилно да ги седнуваме децата објаснува д-р Маја Каличанин Марковска, ортопед од „Аџибадем Систина“.
7-те знаци на карцином на грло на матка
Цервикалниот карцином кој може да биде причина за смртност кај женската популација може да биде излекуван доколку се открие навреме.
Најчеста причина за овој тип карцином е инфекцијата со Хуман папилома вирусот (ХПВ). Одредени типови на ХПВ вируси се одговорни за брзото проширување на карциномот. Иако знаците на цервикалниот канцер не се толку очигледни, сепак треба да ги следите сите промени кои може да биде предзнак на болеста. Разговарајте со вашиот гинеколог доколку ги забележите.
Невромониторинг за безбедна операција
Невромониторинг е процедура за следење на функционалната состојба на мозокот, `рбетниот мозок и периферните нерви за време на хируршки интервенции. Д-р Милчо Демерџиев, невролог, објаснува дека целта на невромониторингот е да се следи функцијата на нервниот систем за време на хируршки интервенции за да се намалат ризиците од повреди на нервно ткиво.
Веднаш упатете се на лекар при повреда на снегот
„Ако имате скршеница, по падот нема да можете да станете и згазнете со ногата или да ја движите раката. Доколку станете и продолжите да одите без проблем или без проблем можете да ја движите раката, најчесто се работи за истегнување (дисторзија) лигаменти. Оток и болка можат да се јават при лесни повреди и скршеница, но сигурни знаци за скршеница се патолошка подвижност, деформитети и крцкање (крепитации)“, вели проф. д-р Јордан Савески, трауматолог од Клиничката болница „Аџибадем Систина“
На лизгавите подлоги движете се како пингвин
Снегот претставува пријатно зимско задоволство. Но, тоа не е случај ако го има на тротоарите и улиците. Спречете ги падовите со одредени тактики на одење и неопходната зимска опрема, а ако веќе се случи да паднете, научете како треба да паднете за да спречите посериозни повреди или скршеници.
Крв во урина – што може да ја предизвика?
Голем број заболувања и состојби во организмот може да бидат причина за појава на крв во урината. Доколку сте забележале крв во урината, потребно е да се консултирате со вашиот лекар, кој ќе ви даде насока на испитувања кои се потребни за да се детектира вистинската причина. Посериозни се микроскопските крвавења во урината кои не можете да ги видите со голо око, а исто така се знак за појава на одредено нарушување на системот за филтрирање на материите кои се излачуваат преку урината. Дознајте ги најчестите причини за појава на крв во урината.
Внимавајте со алкохолот на минусните температури
Поларните температури кои од утре и кај нас ќе се спуштат и до минус 20 Целзиусови степени, се многу опасни за здравјето, а може да бидат дури и фатални бидејќи доаѓа до нагло стеснување на крвните садови. Тоа што е особено опасно е злоупотребата на алкохол на вакви временски температури, зашто многу е поопасно ако на студено се изложите во алкохолизирана состојба, предупредуваат кардиолозите. Лекарите, пред претстојните божиќни празници, предупредуваат да внимаваат граѓаните кои утре-вечер, за време на бадникарскиот оган, надвор на студот ќе консумираат греена ракија и други алкохолни пијалаци.
Најчести прашања за HSG
Хистеросалпинографија или HSG е важна дијагностичка постапка за утврдување на плодноста кај жената. Најчесто се препорачува кај жени кои подолго време имаат проблем да останат бремени. Се изведува со помош на Х-зраци, со кои се визуализира внатрешноста на матката и јајцеводите.
