Едноставни работи кои ве прават отпорни на настинки
Дури и најобичната настинка знае да нè направи нерасположени и залепени за креветот. Организмот сè уште е навикнат на топлите денови, а надвор се менуваат сите годишни времиња во само еден ден, па во овој период од годината се и најчести настинките. Тие се резултат на намален имунолошки одговор на телото против вирусите. Дали сте знаеле дека гушкањето и смеењето може да ве направат посилни и отпорни на настинката? Прочитајте ги и практикувајте ги овие едноставни работи и зајакнете го имунитетот.
Бубрежна слабост
Бубрезите играат значајна улога во функционирањето на организмот. Тие се одговорни за филтрирање на крвта и ослободување на телото од непотребните продукти, го контролираат нивото на крвниот притисок, прават баланс на електролитите во телото и го стимулираат создавањето на црвените крвни клетки.
Како настанува канцерот?
Нашиот живот е почнат од само една клетка. Таа е градбената структура на секое ткиво и орган. Преку процесот на делба, клетките се размножуваат и создаваат ткива и органи. Секоја клетка има свој животен процес – се создава, ја врши својата функција (размена на материи, делба) и умира. Во телото постои точно утврден систем според кој секоја клетка функционира нормално и знае кога треба да престане да се размножува. Хормоните преку крвниот систем пренесуваат „порака“ до нашите клетки и ги поттикнуваат да функционираат нормално (размена на материи – го снабдуваат ткивото со кислород и хранливи материи, а го ослободуваат од јаглеродниот диоксид и штетни материи). Целата размена на материи се одвива преку крвниот и лимфниот систем.
Намалете го ризикот за мозочен удар
Мозочниот удар е состојба која не може да се предвиди, но постојат начини како да го намалите ризикот од негова појава. Возраста и семејната историја на мозочни удари се она на кое не можете да влијаете а влегува во групата на ризик фактор. Со следењето на препораките од лекарите дури и во состојба кога постои медицинска причина која ве става во категоријата под ризик, можете да направите многу за вашето здравје.
Симптоми и третман на улцеративен колитис
Улцеративниот колитис и Кроновата болест спаѓаат во групата инфламаторни болести на дигестивниот тракт. Улцеративниот колит секогаш се јавува само на дебелото црево и ректумот и го зафаќа неговиот внатрешен слој (слузокожа) каде се јавуваат воспалителни промени проследени со улцери (поголеми или помали рани во слузокожата). Според д-р Владимир Аврамовски, дигестивен хирург, за разлика од улцеративниот колити, кроновата болест може да се јави на кој било дел од дигестивниот тракт, но најчеста е на тенкото и дебелото црево и ги зафаќа внатрешните слоеви на ѕидот на цревото. Овие воспалителни болести се од хроничен карактер.
Акутно и хронично воспаление на панкреас
Функцијата на панкреасот е од клучно значење во разградувањето на храната и во регулирање на метаболизмот на шеќерот во крвта. Воспалението на панкреас може да се манифестира со релативно лесна клиничка презентација, па сè до тешки облици кои доведуваат до животнозагрозувачки компликации. Д-р Димитар Трајков, гастроентерохепатолог објаснува какви симптоми даваат акутниот и хроничниот панкреатитис, што најчесто ги предизвикува и кога е потребна консултација со доктор.
Срцеви аномалии кај децата
Срцевите аномалии се јавуваат кај 6-8 на 1000 новороденчиња. Вообичаени симптоми се сина боја на кожата и усните, отежнато дишење и тешкотии во исхраната. Сепак, некои од децата немаат никакви симптоми и родителите не знаат дека нивното дете има проблеми со срцето. Според д-р Драшко Димески, педијатар кардиолог, потребен е редовен скрининг на срцето во бременоста како и кај новороденчето доколку има потреба.
Колпоскопијата открива предканцерозни промени на грлото на матката
Колпоскопија претставува преглед на грлото на матката и дел од вагината. За таа цел се користи извор на јака светлина и апарат – колпоскоп кој се поставува пред вагината и неколку пати го зголемува видното поле. Колпоскопијата всушност е помошна метода која има за цел, заедно со претходно направен ПАП тест, да го одреди местото на абнормален епител на грлото на матката и доколку е потребно прецизно да може да се земе дел од ткивото – биопсија , за понатамошна пато-хистолошка анализа. Основно значење на оваа метода е рано да се откријат предканцерозните промени или рано да се дијагностицира карцином на грлото на матката кој може да биде излекуван.
Зошто водата е идеалниот пијалак?
Водата ја регулира телесната температура, ги пренесува хранливите материи и кислородот и помага во исфрлувањето на токсичните материи од телото. Сепак, повеќето од нас не ја земаат потребната количина вода во текот на денот. Еве неколку совети како да останете хидрирани во текот на денот, посебно во летниот период.
Вирусно воспаление на тироидната жлезда
Субакутниот тироидит претставува воспаление на тироидната жлезда предизвикано од вируси. Кај најголем број од пациентите пред појавата на тироидитот најчесто претходи некоја респираторна инфекција на горните дишни патишта. Д-р Билјана Црцарева, специјалист по нуклеарна медицина, објаснува дека на почетокот на заболувањето се јавуваат знаци на виремија, односно кај пациентот се јавува општа слабост, болки во мускулите и потење за некој ден подоцна како главен симптом да се јави болка во предел на вратот, односно во предел на тироидната жлезда.
