Што е срцева слабост?
Срцевата слабост е хронична, прогресивна состојба кога срцето не е во можност да испумпа доволно крв низ телото и органите за да ги задоволи потребите од кислород и хранливи материи. Како последица на оваа состојба настануваат промени во срцето, поради кои, во обид да се задоволат потребите на организмот, настанува зголемување на волуменот на срцевите кавитети, зголемувајќи го бројот на срцевите удари и на мускулната маса на срцето. Срцевата слабост може да биде и акутна кога се јавува поради акутно заболување на срцето најчесто при срцев удар.
Улогата на пејс мејкерот во третман на срцевата слабост
Пејсмејкерот овозможува синхронизирана работа на преткоморите и коморите со што влијае врз подобрување на испумпната моќ на срцето. По интервенцијата многу е важно пациентот да го прилагоди својот животен стил според препораките од кардиологот, кои зависат од типот на срцевото заболување кое довело до појава на срцевата слабост.
Аритмијата не е секогаш последица на срцево заболување
Нормалната срцева фреквенција во мирување е меѓу 60 и 95 удари во минута. Срцев ритам помал од 60 удари во минута е срцева брадикардија, која претставува нормален ритам кај активни или поранешни спортисти. Срцев ритам поголем од 100 удари во минута без физичка активност е срцева тахикардија која во некои случаи бара консултација со кардиолог. При физичка активност нормално е срцевиот ритам да се забрза, но постепено. Степенот на забрзување на срцевиот ритам зависи од физичката кондициска подготвеност на индивидуата. По физичката активност, срцевиот ритам постепено се враќа во нормални граници. Кај децата помали од 14 години, нормално е ритамот во мир да биде и поголем од 100 удари во минута.
Наглата промена на времето ги покачува слободните радикали во крвта
Промената на времето, која настапи вчера, го зема својот данок зголемен е бројот на пациенти, има и со мозочни удари.
При нагла промена на времето доаѓа до нарушување на антиоксидантниот статус во организмот, со тоа што се покачуваат слободните радикали во крвта. Ова зголемување ја предизвикува метеопатијата и се појавуваат симптоми од општ карактер како што се главоболка, несоница, општа малаксаност, зголемен крвен притисок, предупредува д-р Татјана Чепреганова-Чанговска, невролог во Клиничка болница „Аџибадем Систина” во Скопје.
Редовни прегледи за добро здравје
Факт е дека главоболките и секојдневните здравствени тегоби често се занемаруваат, но од друга страна тие може да бидат сигнал за посериозно внимание за сопственото здравје. Лекарите истакнуваат дека редовните превентивни прегледи може да ви го спасат животот
Современиот начин на живот од жените наметна да бидат успешни на работното место, да бидат грижливи мајки, добри сопруги, а во нивното секојдневие неизбежен декор се домашните обврски. Со еден збор, денешното темпо на живот создаде „супержени“. Сепак, во таа трка по успех и грижа за семејството речиси многу малку наоѓаат време да се посветат на себе и на своето здравје. Лекарите од Клиничката болница „Аџибадем Систина“ ве советуваат кои прегледи се задолжителни за секоја жена.
Ласерска корекција на лузни
Без оглед на кој дел од телото се наоѓаат, лузните се голем козметички проблем и предизвикуваат чувство на непријатност кај секој човек. Најчесто се јавуваат како резултат на повреда или операција, но и поради неадекватен козметички третман. Современата ласерска технологија е решение за овој проблем.
Не сакам да одам на училиште
На почетокот од учебната година поголем број на деца со нетрпение го очекуваат враќањето во училишните клупи. Но, за жал некои деца имаат страв од училиште, па почетокот на учебната година за нив и за нивните родители е вистинска ноќна мора. Многу психолози сметаат дека основниот проблем за училишната фобија треба да се бара во односот на родителите кон децата. Во ваквите ситуации најчесто родителите, а не децат, се тие на кои им е по требна стручна помош.
Ранецот да не зафаќа повеќе од две третини од грбот
Пред поаѓање во училиште родителите се соочуваат со дилемата каков ранец треба да носи нивното дете, колку да тежи за да не го искриви рбетот.
Д-р Аница Хаџи-Петрушева Јанкијевиќ, специјалист по физикална медицина и рехабилитација вели дека училишниот ранец не треба да е преголем, односно да не опфаќа повеќе од две третини од грбот. Таа објаснува дека прерамките треба да се широки, за да се обезбеди рамномерно распоредување на тежината на двете рамења.
Откријте ги навреме ортопедските вродени аномалии кај децата
Ран преглед или скрининг кај бебињата од страна на ортопед е важно да се направи заради рано откривање на било каква аномалија на локомоторниот систем со посебен акцент на рано откривање на промените на колкот. Со тоа навремено се запознаат родителите за состојбата и можат навреме да реагираат.
Како да се зајакне имунитетот?
Ризикот од инфекциите за детето при престој во градинка или училиште, треба да се очекува дека ќе се разболува почесто отколку порано, особено во тек на првата година или две по поаѓањето.
