Недоволниот внес на вода причина за појава на уринарни каменчиња
Уринарните каменчиња се трето најчесто заболување на уринарниот тракт, веднаш по уринарните инфекции и болестите на простатата. Машката популација е два до три пати позасегната од ова заболување од жените. Што се однесува до возраста, појавата на каменчиња е најчеста од четвртата до шестата декада од животот. Како значаен ризик фактор е професијата, така што работниците изложени на поголема топлина за време на работата почесто развиваат калкулоза. Со зголемен ризик е и популацијата со поголема телесна тежина и оние кои помалку внесуваат вода, што е докажано со клинички студии.
Болест на артериите што го хранат срцето
Коронарното срцево заболување, во многу земји во светот, вклучувајќи ја и нашата, е најчесто заболување на срцето. Се јавува како последица на недоволната васкуларизација на миокардот поради опструктивна болест на коронарните артерии. Акутниот инфаркт на миокардот, како главна појавна форма, се карактеризира со изразито висок морбидитет, инвалидитет, морталитет и со нагласена преваленција и акциденција на светско ниво. Коронарната артериска болест, како клинички ентитет мора да се разликува од патолошкиот процес кој лежи во нејзина основа, а тоа е процесот на атеросклерозата на коронарните крвни садови.
Убод од крлеж? Побарајте медицинска помош!
Подигнување на свесноста на луѓето за опасноста од оваа инфекција и сериозноста кога таа навреме не се дијагностицира и не се лекува е првиот чекор во спречување на нејзиното ширење! Секој убод од крлеж треба да се сфати сериозно и да се побара стручна лекарска помош!
Болеста е именувана по градот Лајм (Lyme) во државата Конектикат (Connecticut), каде во периодот 1975-77 год. голем број деца истовремено заболеле од оваа болест. Бактеријата која ја предизвикува болеста била откриена дури во 1981 год. од научникот Вили Бургдорфер.
Ехо преглед за дијагноза на воспалено слепо црево
И покрај тоа што оперативниот зафат на слепото црево се изведува уште од 1886 година, дијагностиката на ова често заболување во одреден број случаи сè уште не е сосема прецизна. Дијагнозата многу често може да се превиди или да биде сосема нејасна, така што бројот на лажно позитивните и лажно негативните дијагнози расте со бројот на пациентите и достигнува бројка и до 25%.
Срцева слабост
Постојат голем број симптоми кои се јавуваат како резултат на срцевата слабост. Најчесто, првиот симптом е чувство на недостаток на воздух при вообичаените дневни активности, потоа се јавува кашлица, отежнато дишење, чувство на умор и слабост, појава на отоци на нозете, губиток на апетитот и чувство на забрзана срцева работа.
Минимално инвазивни интервенции на штитната жлезда
Нодусите или јазлите во тироидната жлезда се едно од најчестите заболувања. Поголемиот дел од нив се безопасни и не предизвикуваат никакви проблеми. Меѓутоа, до 5% од нодусите без оглед на големината може да се карцином во тироидната жлезда. Навремена дијагноза и терапија овозможуваат одлични тераписки резултати во лечењето на овој карцином. Нарушувањето на функцијата на жлездата значајно влијае на квалитетот на животот, а доколку не се лекува, прогнозата може да биде лоша.
Холелитијаза – Камења во жолчно ќесе
Камења во жолчното кесе се создаваат кога одредена супстанца од жолчката ја надминува нормалната концентрација и станува нерастворлива во жолчниот сок. Како резултат на тоа се формираат кристали на кои се таложи слуз, бактерии и други состојки од жолчката.
Холестеатом – најтешка форма на хроничен воспалителен процес на средното уво
Холестеатом претставува псевдотуморска формација која се создава во средното уво како последица на негово хронично воспалување.
Патоанатомски, се работи за растечка „кромидеста“ формација, сочинета од слоеви (лушпи) на одлепен повеќеслоен плочест епител, населен со бактерии. Овој епител потекнува од најповршниот слој на кожата која ги покрива надворешниот слушен канал и надворешната површина на ушното тапанче.
Промени на јазикот – аларм за болест
Колку често го забележувате изгледот на вашиот јазик и усна празнина? Доколку сè е во ред, тогаш во огледалото ќе видите одраз на розев јазик покриен со мали папили. Сите отстапки од нормалниот изглед или чувство на болка може да алармираат за одредено нарушување на здравјето и се причина да го посетите вашиот доктор или стоматолог.
Проблеми со мочниот меур
Слабата мускулатура на мочниот меур, несакани ефекти од одредени лекови, инфекции или нарушувања на метаболизмот се само дел од причините кои може да предизвикаат проблеми со мочниот меур. Честото мокрење знае да биде непријатно, а ако е придружено и со болки е вистинска причина зошто да го посетите вашиот лекар.
