Уште со првите гинеколошки прегледи кај младите девојки треба да се прави и функционална проценка на резервите на јајниците, препорачува доктор Слободан Лазаревски, шеф на Одделот за асистирана репродукција „Мала Богородица“ во Клиничката болница „Аџибадем Систина“, најуспешниот центар за ин­ витро во регионот. Неколку илјади нови бебиња создаде тимот доктори од Одделот за асистирана репродукција „Мала Богородица“ при клиничката болница „Аџибадем Систина“. Тие донесоа среќа во семејства низ целиот свет, на родители кои успеале уште од прв обид за ин­ витро, но и кај такви чија упорност ги терала одново и одново да се обидуваат додека не добијат бебе. Статистиката на Одделот за ин витро фертилизација (ИВФ) повеќе од една деценија е еднаква со светскиот просек ­ – над од 12.000 циклуси, 4.500 живородени деца и клиничка бременост над 55 отсто.

Неконтролираната астма во периодот на бременост може да доведе до намалување на протокот на кислород до плодот, ризик од раѓање бебе со мала телесна тежина и забавен раст. Кај мајката може да доведе до прееклампсија, проблеми со плацентата и покачен крвен притисок. Астмата е проблем со кој се среќава голем број од популацијата, вклу­чувајќи ги и трудниците.

Инфекциите кои се појавуваат во бременоста можат да поминат незабележано, но можат и да направат оштетувања како на плодот така и на здравјето на идната мајка. За тоа потребно е  навреме да се дијагностицираат и лекуваат. Ако не се лекуваат може да доведат до спонтан абортус, предвремено породување, инфекции и сепса кај плодот или да доведат до   нарушување во развојот на органите и сетилата кај плодот и да дадат конгенитални аномалии. Според д-р Јорданчо Иванов, гинеколог акушер во Клиничката болница „Аџибадем Систина“, промените кои настануваат во организмот на мајката, како хормонални така и физички, се причина за зачестено јавување на некои инфекции.

Со пристигнување на новороденчето, доаѓаат денови исполнети со измешани чувства на љубов, грижа и посветеност. Сакате да биде се во најдобар ред со вашето малечко, па минувате часови гледајќи го и анализирајќи го секој негов детаљ. Во продолжение ви даваме совети како да направите разлика меѓу она што е нормално а што е причина за загриженост.

Појавата на акни е еден од најчестите проблеми со кожата во текот на бременоста. Најновите студии покажуваат дека речиси секоја втора трудница има проблеми со акни на лицето од различен степен, а понекогаш тие може да направат и лузни на лицето. За среќа, современата медицина нуди можности за решавање на овој проблем

Имплантациското  крвавење е појава на мали точкасти крвавења кое се јавува помеѓу 6. и 12. ден од концепцијата (зачнување). Тоа е еден од раните симптоми на бременост. Доколку забележите ситни црвени точки на долната облека, не вознемирувајте се бидејќи не е опасно и не е потребен никаков третман.

Бременоста е динамичен процес и доколку попушти функцијата на грлото на матката и започне отворање или скратување на истото, тогаш треба да се направи серклаж по вагинален пат. Трансабдомионалниот серклаж е единствено решение за оние жени кои немаат грло на матката.

Оваа интервенција која се препорачува кај пациентки кои на кои им недостига грлото на матката или кои имаат сосема мал дел од грлото на матката. За бременоста со ампутирано грло на матка и за новата метода трансабдомиланелн серклаж разговаравме со гинекологот д-р Никола Панчевски.

Од година во година бројот на породувања со царски рез се зголемува на светско ниво. Породувањето со царски рез, ако нема вистинска индикација, не е секогаш најбезбеден  и најсигурен начин за завршување на породувањето. Секогаш кога постојат услови, треба да се инсистира на природно породување бидејќи времето на заздравување и на рехабилитација по природното породување е пократко и е со помалку компликации.

Според СЗО, спонтаниот абортус се дефинира како исфрлање на ембрионот или фетусот од матката. За најчестите причини кои доведуваат до спонтан абортус и нивна превенција совет побаравме од д-р Даниела Јованова, гинеколог-акушер во Клиничка болница „Аџибадем Систина“. Според времето на појавување, спонтаниот абортус може да се подели како: ран до 12. гестациска недела и доцен помеѓу 12. и 22. гестациска недела. Доколку се случат два или повеќе едноподруго спонтани абортуси, тогаш се зборува за т.н. хабитуални спонтани абортуси.

Апгар претставува првиот тест на новороденчето што се спроведува веднаш по самото раѓање во родилната сала. Целта на апгар тестот е проценка на здравствената состојба на новороденчето со цел да се увиди потребата од итно реагирање во случај кога состојбата на новороденчето тоа го бара. Апгар тестот претставува проценка на 5 важни витални параметри: боја на кожа, дишење, срцева акција, тонус на мускулатурата и рефлексен одговор при дразба (аспирација на дишните патишта по самото раѓање).