Во најголем процент (над 95 %) туморите на тестисите се со малигни карактеристики и најчесто ја зафаќаат помладата машка популација, до 40-тата година од животот. Поради специфичноста на регијата и органот мажите обично подоцна ја забележуваат промената или за истата молчат и најчесто доцна се јавуваат на лекар. Заради тоа на мажите им советуваме да се јават кај уролог веднаш  штом ќе забележат каква било промена на тестисот. Како и за секоја малигна промена така и за туморите на тестиси најбитна е раната дијагноза  и што порано почнување со соодветна терапија.

Истражувањата потврдиле дека исхраната во која има зголемено количество маснотии може да придонесе за појава на карцином на простата, бенигна хиперплазија и простатитис. Освен битните ризични фактори кои ги препишуваме на животниот стил – пушењето, алкохолот и намалената телесна активност, голема улога во развојот на малигните заболувања има и исхраната.