Карциномот на бели дробови е директно поврзан со пушењето. Пушачите и луѓето кои се изложени на чад од цигари имаат зголемен ризик за појава на карцином на бели дробови. Најдобриот начин да го превенирате карциномот на бели дробови е да престанете да пушите. Луѓето кои почнале со пушење во тинејџерска возраст имаат поголем ризик за појава на ова малигно заболувања, за разлика од оние кои започнале во адолесценцијата. Децата чии родители пушат цигари имаат поголем ризик за појава на бронхитис и други болести на респираторниот систем.

Сè почестото дијагностицирање на карциномот на кожа се поврзува со директното изложување на кожата на сончевите зраци. Затоа, внимавајте на вашата кожа и почитувајте ги препораките на дерматолозите. Редовно следете ги промените на кожата, посебно на бенките, кои може да бидат првиот аларм за пред појава на карцином на кожа.

Бројни истражувања потенцираат дека здравиот начин на исхрана го намалува ризикот за појава на малигно заболување за 30 до 40 проценти. Одредени намирници влијаат во намалувањето на ризикот од појава на одредени канцери. Внесот на здрава храна, вклучувајќи зеленчук, овошје, житарици, не само што ве заштитуваат од појавата на канцер туку се и главни сојузници во превенција на срцеви болести и дијабетес.

Радиохирургијата е дел од зрачната терапија со која се третираат тумори, најчесто во мозокот, кои не можат хируршки да се отстранат. За првпат во регионот овој тип зрачна терапија ја има и во Клиничката болница „Аџибадем Систина“ со помош на најмоќниот и најбезбеден апарат за радиотерапија TRILOGY. Како и кога се изведува радиохирургија, одговор ни даде д-р Славица Кралева, онколог радиотерапевт.

Постојат повеќе начини за третман на карциномот кои можат да се користат самостојно или во комбинација: хемотерапија, хирургија, зрачна терапија, хормоно терапија и имунотерапијата. Кој од овие третмани ќе биде користен во текот на лекувањето, ќе биде одлука на мултидисциплинарен тим специјалисти бидејќи секој карцином бара индивидуален пристап во лекувањето.

Гркланот (ларинкс) е орган сместен на средната линија на вратот и служи за дишење, продукција на глас и заштита на дишните органи при голтање. Составен е од три анатомски дела: гласилки, просторот над гласилките и просторот под гласилките. За тоа колку често се јавува, кои се симптомите, како се дијагностицира и лекува карциномот на грклан, поразговаравме со д-р Љирим Демири, специјалист по оториноларингологија од Клиничката болница „Аџибадем Систина“.

Посетата на гинеколог, за многу жени претставува стресен чин, но лекарите советуваат дека треба да се победи стравот и редовно да се оди на гинеколог.

Само со редовни гинеколошки прегледи и ПАП-тест, повеќето преканцерозни промени можат многу рано да се откријат и излекуваат, пред да дојде до развој на карцином. Секој карцином кој веќе се развил, со овие скрининг тестови ќе се открие во раните стадиуми, кога е и можно целосно излекување. Гинеколозите од Клиничката болница „Аџибадем Систина“ советуваат како да се грижите за своето здравје.

Секоја година еден милион луѓе во светот заболуваат од карцином на дебелото црево и ректумот. Популација со највисок ризик за развој на карцином на дебелото црево се лица до 40 години, со семејна анамнеза за полипи или карцином на дебелото црево појавен пред 40-тата година од животот, особено оние со податок за полипи или карцином на дебелото црево во првото или второто колено, вклучувајќи и полусестра или полубрат. Токму затоа докторите советуваат луѓето да прават редовна колоноскопија која е златен стандард за рана дијагноза на промени во дебелото црево. Се за симптомите, дијагнозата и третманот ни откри проф. д-р Васко Василевски, гастроентереохепатолог од Клиничката болница „Аџибадем Систина“.