Карциномот на дојка се лекува, но мора навреме да се открие. Во прилог ви објаснуваме кои тестови и процедури се користат во дијагнозата на карцином на дојка:

Клинички преглед на дојки

Докторот ќе ги прегледа вашите дојки со цел да утврди дали има присуство на грутки или други абнормалности.

Мамограф

Мамографот претставува снимање на градите. Овие апарати најчесто се користат во дијагноза  карциномот на дојка.  Се препорачува секоја жена над 40 години еднаш годишно да направи мамографија. Доколку во семејството има заболен од карциномот на дојка, со мамографски преглед треба да се почне многу порано.

Што ако радиологот забележи некоја чудна промена на вашите дојки на мамограмот?

Стравот од ова сценарио секако дека постои и никој не сака да му се случи. Но, постојат факти кои доколку ги знаете, можеби малку ќе ве смират. Повеќето од абнормалностите кои се појавуваат на мамограмот не се карцином на дојка.

Некои абнормалности кои се забележуваат на мамограмот бараат дополнителни испитувања. Со дополнителните испитувања (техники за снимање, биопсија), повеќето од абнорманлностите се утврдуваат како нормално ткиво на дојката или бенигно (неканцерозно) ткиво.

Еден ден пред да отидете на вашиот преглед земете лист хартија и запишете ги следниве работи:

–          Симптомите кои ги имате, вклучувајќи ги и знаците кои сметате дека не се поврзани со карциномот на дојка.

–          Лични информации, поголеми стресови или поголеми животни промени кои ви се случиле неодамна.

–          Семејната историја. Напишете доколку имате случај во семејството кој имал канцер, и која е вашата роднинска врска, типот на канцер и возраста на која е дијагностициран.

Што е карцином на дојка?

По карциномот на кожа, карциномот  на дојка е најчесто дијагностициран кај женската популација. Може да се појави и кај мажите и кај жените, но кај жените е далеку пораспространет.

Причината за појавата на ова заболување сѐ уште не е позната. Докторите велат дека карциномот на дојка се јавува кога некои клетки почнуваат да растат абнормално. Овие клетки се шират многу побрзо од здравите и се акумулираат формирајќи грутка или маса и истите можат да се рашират (метастазираат) низ дојката до лимфните јазли или до другите делови на телото.

Карциномот на дојка најчесто се формира или започнува во клетките кои се сместени во каналите за производство на млеко (инванзивен дуктален карцином). Карциномот на дојка, исто така, може да се формира во жлездените ткива, наречени лобули (инванзивен лобуларен карцином), или во другите клетки во дојката.

Факт е дека не постои конкретна храна која може да ве заштити од канцер. Но, сепак, добра комбинација од неколку видови здрава и разновидна храна и тоа како може да направи разлика. Потрудете се за време на оброците две третини од чинијата да сочинуваат зеленчук, а една третина животински протеини.

Ракот на белите дробови е водечка причина за смртност споредено со  другите карциноми. Ова е еден од најподмолните малигни тумори бидејќи симптомите се јавуваат кога болеста е во поодмината фаза, кога и шансите за излекување се помали.  Најголема причина за развој на овој карцином е пушењето. Во светот секоја година се откриваат 1 200 000 нови случаи од оваа болест, од кои 1 000 000 умираат.

Најновите истражувања во врска со скринингот за карцином на матка велат дека жените под 21 година не треба да прават никакви испитувања за карцином на матката бидејќи параметрите на тестовите, меѓудругото, се базираат на сексуалната активност на жената.

Доколку сте го победиле канцерот, треба да прославите. Но, она што многу лица кои се излекувале не го знаат е дека 25 % од луѓето кои преживеале некаков карцином подоцна во животот развиваат метастази на мозокот. Овие мозочни метастази не потекнуваат од мозокот туку се всушност канцерогени клетки од првичниот тумор кои преку крвта патуваат до мозокот. Според докторите, оваа состојба се нарекува метастази во мозокот.

Современата медицина, како и употребата на врвната медицинска апаратура овозможуваат рано откривање на малигните болести. Од особена важност за успешно лекување е и раната дијагноза. Токму поради овој факт, раната дијагноза на малигните болести е подеднакво важнa како и самиот метод на лекување.