Според најновите истражувања, неправилната исхрана е одговорна за речиси 1/3 од вкупниот број на малигни заболувања, па затоа вниманието кон овој ризик фактор се наметнува како еден од важните сегменти во третманот на пациентите со канцер

Консумирањето здрави производи пред, за време и по онколошкиот третман ќе ви помогне да се чувствувате подобро и побрзо да закрепнете. Според д-р Александра Хаџи-Димова, диетолог во Клиничката болница „Аџибадем Систина“, канцерот е болест на хронично нарушен метаболизам, па самото внесување храна која би можела да влијае на биохемиските процеси во организмот со цел да помогне во спречувањето на канцерогените процеси, да го подигне имунитетот и да го врати метаболизмот на нормално ниво е единствено храна која е имуностимулативна и содржи нутриенси одговорни за борба со малигните клетки.

Сарком е вид карцином кој се развива во сврзното ткиво, може да го зафати кој било дел од телото, но најчесто се развива длабоко во екстремитетите (раце, нозе). Освен екстремитетите ги зафаќа и: коските, ‘рскавицата, мускулите, тетивите, крвните садови, нервите, фиброзното ткиво околу зглобовите. Стотици илјади пациенти и нивните семејства од целиот свет се борат со ова заболување. Д-р Славица Кралева, онколог-радиотерапевт од Центарот за онкологија и радиотерапија при Клиничката болница „Аџибадем Систина”, вели дека има повеќе од 50 видови саркоми, кои главно се поделени на сарком на меките ткива и сарком на коските.

1. Како пушењето цигари влијае врз организмот?

Цигарите како и загадениот воздух се преполни со хемиски супстанци и освен што предизвикуваат карцином, тие го оштетуваат и одбранбениот систем на белите дробови. Дишните патишта се обложени со мали ситни влакненца кои не штитат од токсини, бактерии и вируси. Чадот од цигарите, како и честичките од загадениот воздух се лепи на влакненцата и не им дозволува да ја вршат својата работа.

Пациентите, но и членовите на поблиското семејство кои се соочуваат со најстрашната дијагноза на современиот свет, карцином, сигурно сакаат пред почетокот на третманите да дознаат повеќе информации околу видовите лекување, нивните предности, несаканите ефекти и очекуваните резултати. Во продолжение д-р Дева Петрова, онколог радиотерапевт, објаснува кои третмани се на располагање на пациентите.

Дехидрација претставува прекумерно губење телесни течности кое се јавува како резултат на недоволен внес на течности во организмот. Дехидрацијата е особено важно да се превенира кај пациентите со канцер, кои за време на третманот имаат некои од несаканите ефекти, како повраќање, покачена температура, дијареја, кои може за кратко време да доведат до нагло губење течности. Оваа состојба не треба да се занемарува бидејќи може да има животозагрозувачки ефект.

Поимот метастаза го опишува процесот кога карциномот се шири надвор од местото каде што започнал. Кога карциномот на простата ќе се прошири и низ другите делови од вашето тело, докторите велат дека тој метастазирал. Според теоријата, карциномот на простата може да се прошири во сите делови на телото, но во пракса повеќето случаи на овој карцином даваат метастази во лимфните јазли и коските. Опциите за третман се исти како карцином на простата, освен кога е направена хируршка интервенција за отстранување простата. Метастатскиот карцином на простата претставува најпреданата форма на карцином, може да се третира и контролира, а со тоа да го олесни животот на луѓето. Повеќето мажи со напредната форма на карцином на простата живеат нормален живот со години. Целта на третманот е умешно да се управува со симптомите и да се забави процесот на растење на карциномот.

Карциномот на дојка е најчестото малигно заболување кај женската популација. Се работи за заболување кое најчесто во раните стадиуми на болеста не дава никакви симптоми. Поради тоа тешко може да се дијагностицира доколку жената не прави редовни самопрегледи на дојките и не се јавува на редовни прегледи со ехо и мамографија. д-р Маја Стојчевка Чапова, специјалист радиолог ве советува како правилно да направите самопреглед на дојките.

Нашиот живот е почнат од само една клетка. Таа е градбената структура на секое ткиво и орган. Преку процесот на делба, клетките се размножуваат и создаваат ткива и органи. Секоја клетка има свој животен процес – се создава, ја врши својата функција (размена на материи, делба) и умира. Во телото постои точно утврден систем според кој секоја клетка функционира нормално и знае кога треба да престане да се размножува. Хормоните преку крвниот систем пренесуваат „порака“ до нашите клетки и ги поттикнуваат да функционираат нормално (размена на материи – го снабдуваат ткивото со кислород и хранливи материи, а го ослободуваат од јаглеродниот диоксид и штетни материи). Целата размена на материи се одвива преку крвниот и лимфниот систем.

Зрачна терапија е техника при којашто се користи високо ниво на енергија, X-зраци кои ги убиваат клетките на карциномот. Целта на зрачната терапија е да ги убие клетките на канцерот, со максимална заштита на здравото ткиво околу канцерот. За тоа кога се користи, кои се предностите на зрачната терапија со современиот линеарен акцелератот Trilogy и што да очекувате од третманот, одговор ни даде д-р Славица Кралева, специјалист по онкологија и радиотерапија.

Прекумерното седење и неактивност доведува до појава на обезност, која го зголемува ризикот од појава на одреден тип канцер. Неодамнешна студија која опфатила 70.000 пациенти со канцер покажала дека луѓето кои поминуваат поголем дел од времето во седење имаат поголем ризик за развој на ендометријален, канцер на дебелото црево и канцер на белите дробови.