Testi i antistreptolizinës (ASO) është një test që tregon praninë e antitrupave të krijuar kundër streptolizinës O, një enzimë që prodhohet nga bakteret e grupit A të tipit Streptococcus.
Dr. Beti Gjurkova Angellovska Mr.Sci, specialiste e pediatrisë dhe subspecialiste e kardiologjisë pediatrike, thotë se testi i antistreptolizinës (ASO) përdoret për të konfirmuar një infeksion të fundit streptokoksik dhe ka rëndësi të madhe në diagnostikimin e komplikimeve poststreptokoksike, siç janë ethet reumatike dhe glomerulonefriti.
Kuptimi i rezultatit
- Rezultat negativ/normal: nuk tregon për një infeksion të kohëve të fundit.
- Rezultat pozitiv/i lartë: tregon ekspozim të kohëve të fundit ndaj bakterit ose një infeksion të kaluar së fundmi, por nuk dëshmon se infeksioni është aktiv në atë moment apo se ka komplikime.
- Për vlerësimin e një infeksioni të kohëve të fundit, është e dobishme të bëhen dy matje me një interval prej dy javësh dhe të ndiqet nëse titri rritet.
- Titri i lartë mund të mbetet i tillë për disa javë deri në disa muaj pas infeksionit.
