Храна која го намалува ризикот од мозочен удар
Типот на храна која ја имате на вашето секојдневно мени има голема улога не само во контролирањето на телесната тежина туку и во превенцијата од ненадејни мозочни удари.
Вашиот избор на храна може да го намали ризикот од зголемен холестерол во артериите, а токму тие се главната причина за срцев удар, советуваат лекарите. Здравата исхрана може да ве заштити од мозочен, но и од срцев удар. Тогаш како да го направите вистинскиот избор на храна и да го намалите ризикот од мозочен удар?
Кофеин – колку е доволно?
Кофеинот може да има позитивно влијание на организмот, но исто така може да предизвика и проблеми. Дознајте колку кафиња се премногу и скратете ги дневните дози.
Доколку сте зависни од кофеинот за будење и сила за дневните активности, не сте единствените. Кофеинот го стимулира централниот нервен систем, го ублажува заморот, ја зголемува будноста и ја подобрува концентрацијата.
Користете презерватив
Летните одмори понекогаш можат да ви донесат и сексуално преносливи болести. Се пренесуваат преку сексуален однос без заштита или со често менување на партнерите. Најдобра заштита од сексуално преносливите инфекции овозможува презервативот. Употребата на други контрацептивни методи, како на пример таблети, спирала и сл. не се заштита од овие инфекции.
Најчести сексуално преносливи инфекции се инфекциите Chlamydia, Trichomonas, Gonorrhoea, HSV (herpes simplex virus), HPV (human papiloma virus)
Која е разликата меѓу настинка и алергиски ринит?
Пролет е, температурата расте, а вам носот ви е затнат и ви тече, често кивате, а главата ви тежи. Прво што ќе помислите е дека имате настинка. Но, овие симптоми предупредуваат и за хронично воспаление на носната лигавица – алергискиот ринит. Алергискиот ринитис е хронично воспаление на носната лигавица кое се манифестира со симптоми слични на настинката.
Ваквите симптоми се предизвикани од алергиската реакција на алергени, од кои најчести се: полените, домашниот прав, животинските влакна и сл. Кај дел од пациентите симптомите се присутни во тек на целата година, додека кај други состојбата се влошува во одредени периоди од годината (пролет, есен).
10 корисни совети пред да заминете на пат
Со секое патување ја менуваме животната средина и сето тоа е поврзано со одредени ризици по здравјето. За да уживате во летниот одмор треба претходно да се подготвите. Информирајте се за можните ризици по здравјето кои можат да се случат. Во прилог ви даваме неколку корисни совети пред да заминете на пат:
1. Без разлика каде патувате, секогаш понесете здравствено осигурување кое ќе ги покрие трошоците за евентуално лекување (медицински третман во случај на незгода, болничко лекување).
Кога ќе се појават вошки
Вошки се мали инсекти кои живеат во косата на луѓето. Тие се хранат со мали количества крв исцицана од скалпот и положуваат јајца – наречени гниди. Појавата на гниди е сигурен индикатор за присуство на вошки. Наезда од вошки уште се нарекува и педикулоза.
Кои се симптомите за вошки?
Најчестиот симптом за присуство на вошки е чешањето, особено на задниот дел од главата и вратот, близу ушите – области каде вошките најчесто живеат. Интензивно чешање може да ја оштети кожата на скалпот и да доведе до рани и инфекции. Понекогаш може да помине период од две до три недели по наездата од вошки за да почне чешањето.
Зошто може да развиете астма оваа пролет?
Пулмоалерголозите предвидуваат нови случаи на астма секоја пролет. Тоа е поради поврзаноста помеѓу алергиите и астмата. Алергиите се чести причина за појавата на астмата.
Во текот на целата година луѓето се соочуваат со тешкотии, од кои некои се предизвикани од вдишувачките алергени.
Не бидете жртви на бронзениот тен
Лекарите се едногласни – солариумите немаат свои добри страни. Според нив, зрачењето во солариум е поопасно дури од сончањето на пладне. Запомнете, солариумите се одговорни за прераното стареење и зголемен ризик од канцер на кожа!
Според едно истражување, во кое биле вклучени 4000 лица, докажано е дека лицата кои почнуваат да користат солариум пред 35-тата година го зголемуваат ризикот од малигнен меланом дури за 75 проценти.
Сè за кожата
Кожата е најголемиот орган на нашето тело и во текот на животот се менува. Всушност вашата кожа се регенерира приближно на секои 27 дена. Потребна е соодветна нега и третман за одржување на здравјето и виталноста на кожата.
Какви се секојдневните потреби на нашата кожа?
Лесно е да ја прескокнете чашата со вода за време на вашите дневни обврски или, пак, да го прескокнете да го исчистите лицето пред спиење. Но, со текот на времето тие ваши лоши навики може да го земат својот данок. Еве што ѝ е неопходно на вашата кожа секој ден:
3 Совети кои ќе ви помогнат во рано откривање на рак
Еве една вистина: доколку рано го откриеме и дијагностицираме карциномот, може да спасиме безброј животи. За пример ќе го земеме карциномот на дебелото црево. На полипите им се потребни повеќе од 10 години да преминат во карцином. Нивното рано дијагностицирање може буквално да го спречи развојот на оваа болест.
На пример, едно истражување направено неодамна истакна дека колоноскопијата може да спречи развој на карцином на дебело црево во околу 40 % од случаите. Но, дури 70% од луѓето над 50 години воопшто не прават колоноскопија.
