Фамилијарно здравје Archives - Page 34 of 46

Фамилијарно здравје

Стресот и депресијата се една од причините за губење на машката потенција

март 2, 2015

Незадоволството и негативните чувства може да се преселат и во креветот. Овие пациенти земаат и антидепресиви кои, исто, се причина за еректилна дисфункција. Но процесот може да биде и обратен – поради еректилна дисфункција, пациентите да заболат од депресија. Мажите полека почнуваат да зборуваат за проблемот и да бараат решение. Јас, како уролог, ги охрабрувам сите мажи што се соочуваат со еректилна дисфункција да не се срамат и да не го кријат овој проблем, бидејќи за него има решение.

Време на грип, настинки, но и пневмонија

февруари 23, 2015

Фебруари е месец на грипот и настинките, но и на пневмонијата. Пневмонијата е воспаление на воздушните меурчиња (алвеолите) на белите дробови и може да се јави на еден дел, сегмент или резен, или на повеќе места во двете белодробни крила (бронхопневмонија). Ја предизвикуваат микроорганизми, најчесто бактерии, но и вируси и габички, атипични бактерии (микроорганизми што имаат карактеристики и на бактерии и на вируси). На прашањата дали да се плашиме од пневмонијата, кога да побараме медицинска помош и како да се заштитиме, одговор ни даде доктор Камелија Бушљетиќ, пулмоалерголог од Клиничката болница „Аџибадем Систина“.

Реконструкција на дојки по мастектомија

февруари 19, 2015

Во текот на лекувањето на карциномот на дојка, една од можните последицие и загубата на дојката, состојба која има негативно психичко влијание кај многу жени, но постои можност за естетски третман по хируршката интервенција на дојката – реконструкција по мастектомија. Ова им помага на жените подобро да се соочат со болеста, да ја подигнат самодовербата и да ги намалат траумите од самата интервенција. Кои се предностите, кога и како треба да се направи реконструкцијата, одговор ни дадоа лекарите од Центарот за дојки при Клиничката болница „Аџибадем Систина“.

За добар зимски сон

февруари 12, 2015

Во текот на зимата потребни ни се 8-9 часа квалитетен одмор за обновување на силите, но не заборавајте дека сонот подолг од 10 часа може да му наштети на нашиот организам. За да се чувствуваме добро и во зима, мора да внимаваме на нашиот сон. Пред да си легнете проветрете ја собата во која спиете, потоа внимавајте на влажноста на воздухот и висината на перницата.

Тикови кај децата – постои ли причина за грижа?

февруари 9, 2015

Што се тикови, кога се јавуваат и како се делат?

Тиковите се ненадејни, повторувачки и ненамерни моторни движења на ист мускул или на група мускули, односно повторувачки вокални симптоми. Овие движења и вокализации се начин на ослободување од одредена внатрешна емоционална напнатост. Детето може на кратко да го супримира тикот, но тоа резултира со непријатност што се надминува со изведување на тикот. Моторните тикови се делат на: едноставни и сложени. Едноставните опфаќаат едноставни движења – трепкање, шмркање, подигање на рамениците, додека сложените или комплексните се состојат од серија моторни движења секогаш со ист редослед – на пример детето удира со едната нога, па потоа со другата нога, па потоа подрипнува. Во однос на времетраењето се делат на: транзиторни или минливи; хронични и Туретов синдром.

Релаксација за целото семејство

февруари 7, 2015

Најубавиот дел од денот е времето поминато со семејството. Еве неколку начини како забавно да го поминете времето со своите најблиски.

Антибиотиците не се бонбони!

февруари 6, 2015

Неконтролираната употреба на антибиотици е главна причина за отпорност на бактериите. И покрај овој факт, и понатаму се пијат антибиотици и во случаи на вирусни инфекции. Според д-р Душко Фидановски, педијатар, пациентите треба да бидат посовесни, и кога докторот нема да препише антибиотска терапија, да не посегнуваат на своја рака, посебно кога се работи за нивните деца.

Кога ќе дојде пубертетот

февруари 5, 2015

Промените во пубертетот почнуваат кога мозокот предизвикува производство на полови хормони. Потоа следат физичките промени, но секое дете се развива на свое темпо. Пубертетот обично почнува прво кај девојчињата па потоа кај момчињата. За повеќето девојки, пубертетот почнува околу 11-годишна возраст. За момчиња, пак, пубертетот почнува од 10 до 14. Просечната возраст е 12-тата година.

Уринарни инфекции во детска возраст

февруари 3, 2015

Уринарните инфекции се најчесто заболување на уринарниот тракт и една од најчестите инфекции кај децата. Се дефинираат како инвазија на микроорганизми во ткивото на уринарниот тракт (или лабораториски присуство на сигнификантен број на бактерии во уринате-позитивна уринокултура). Доколку не се третираат навремено и правилно, може да доведат до оштетување на бубрезите. За поделбата, нивната застапеност, симптомите и лекувањето на уринарните инфекции во детска возраст разговаравме со доктор Надица Ристоска Бојковска, педијатар нефролог во Клиничката болница „Аџибадем Систина“.

Каде се кријат бактериите и вирусите?

јануари 21, 2015

Насекаде околу нас има бактерии и вируси, но еве неколку места каде тие се кријат во вашиот дом.

Машината за перење и кадата се места каде може да има многу бактерии и вируси. Тие се пренесуваат од валканите алишта кои ги ставате во кадата и машината, затоа еднаш неделно ставете белило кое ќе ги убие бактериите.