Фамилијарно здравје Archives - Page 37 of 46

Фамилијарно здравје

Време е за ПАП тест

декември 1, 2014

Папаниколау (ПАП) тестот е едноставен и безболен метод со кој се зема материјал од грлото на матката и вагиналниот свод, истиот се нанесува на цитолошко стакленце, се фиксира и потоа се бои. Со микроскопска анализа на клетките можат да се откријат воспаленија, нивни предизвикувачи, бенигни и малигни клетки и други цитолошки промени. Со откривање на атипичните клетки на грлото на матката се овозможува рана дијагноза и навремено лекување на премалигните промени, кои во спротивно би го загрозиле здравјето и животот на жената. Сè за ПАП-тестот ни објасни доктор Елизабета Матевска-Атанасовска, гинеколог акушер од Клиничката болница „Аџибадем Систина“.

10 начини како да се справите со стресот

ноември 19, 2014

1. Како ќе се справите со стресот, така и ќе се чувствувате. Кога ќе му го најдете вистинското место на стресот тогаш успешно ќе го регулирате и крвниот притисок и нивото на шеќер во крвта. Одберете ја правилната техника за смирување со стресот.

2. Следниот пат кога ќе бидете пред нервен слом земете гума за џвакање. Истражувањата покажуваат дека џвакањето ја намалува анксиозноста, а ритмичкиот чин на џвакање може да го подобри протокот на крв во мозокот. Мирисот и вкусот на гумата за џвакање можат да ве релаксираат и опуштат.

Мажи како да го спречите предвременото стареење на кожата?

ноември 19, 2014

Што е предвремено стареење на кожата?

Предвременото стареење на кожата кај мажите значи неприродно забрзување на процесот на стареење. Причина за тоа е претераното изложување на сончева светлина (кај 90% причина за предвременото стареење е UV-зрачењето) и нездрав начин на живот (пушење, стрес или лоша исхрана). Овие фактори влијаат врз намалување на производството на колаген. Процесот на производство на нови клетки се забавува, додека мртвите клетки побавно се разградуваат.

Импотенција – пад на сексуалниот нагон

ноември 17, 2014

Статистиките покажуваат дека 5 до 20% од мажите во светот имаат умерена до тешка форма на еректилна дисфункција, односно неспособност да воспостават и одржат ерекција доволна за сексуален однос. Д-р Александар Мицковски, хирург уролог од Клиничката болница “Аџибадем Систина“, објаснува кои се најчестите причини, симптоми и како се лекува еректилната функција.

Сè што треба да знаете за дијабетесот

ноември 14, 2014

Дијабетес мелитус, или кај народот позната како шеќерна болест, претставува најчеста хронична болест во светот. Како резултат на нездравиот животен стил кој подразбира лоша исхрана, намалена физичка активност, секојдневен стрес, се зголемува и бројот на заболени од дијабетес. Што е дијабетес и како да ја превенирате оваа болест, разговаравме со проф. д-р Чедомир Димитрoвски, ендокринолог.

Совети за мажите

ноември 12, 2014

Време е да преземете одговорност за вашето здравје! Еве неколку совети за поздрав начин на живот.

Престанете со пушењето – ако сте пушач и едноставно не можете без цигара, консултирајте се со вашиот доктор за совет за поедноставно одвикување од пушењето. Чадот од цигарите штетно влијае и за пасивните пушачи, па затоа избегнувајте да престојувате во простории во кои се пуши.

Редовно посетувајте гинеколог!

ноември 11, 2014

Престанете да ги проверувате вашите симптоми на интернет и самите да си поставувате дијагноза. Може да имате сериозни здравствени последици. Речиси сите гинеколошки проблеми можат успешно да се излечат, но неопходно е што порано да се посети гинеколог.

Вагиналните и цервикалните брисеви не откриваат канцер туку промените кои се случуваат во клетките на грлото на матката кои можат да укажуваат на претканцерозни промени. Истражувањата покажуваат дека на 90% од жените на кои им е откриен карцином на грлото на матката на превентивен преглед имаат шанси да се излекуваат, додека оние кои веќе покажуваат одредени симптоми имаат 60% шанса да бидат излекувани.

Простата – Мала жлезда голем проблем

ноември 10, 2014

Простата е дел од репродуктивниот систем на мажот и затоа грижата за оваа мала жлезда во форма на костен, сместена под бешиката, чија улога е да лачи бистар „сок“ кој е дел од семената течност при ејакулација, е оправдана. На најчесто поставуваните прашања за проблемот со зголемена простата разговаравме со проф. Д-р Љупчо Лековски, хирург уролог од Клиничката болница „Аџибадем Систина“.

Протеински пијалак за мажи

ноември 8, 2014

Протеините се од суштинско значење за раст, развој и обновување на мускулите. За да бидете силни и спортски активни неопходно е да внесувате доволна количина протеини во текот на денот. Се смета дека на еден килограм телесна тежина неопходно ни е од 1,5 до 3 грама протеин. Совршената протеински богата напивка треба да содржи мешавина од протеини и јаглехидрати. Истата ќе ја добиете ако комбинирате млеко и бананата. Бананата изобилува со калиум, растителни влакна, Б6 витамини и енергија. Во еден литар млеко со масленост 1,5% има околу 37 грама протеини. Ако пиете 2 до 3 литри млеко дневно ќе го задоволите дневните потреби од протеини. Млекото ги содржи и потребните витамини А, Д, Е и минералите кои се неопходни за одржување на цврстината и густината на коските.

Крвавење од носот

ноември 6, 2014

Кога ќе добиете удар во носот за време на спортската активност, ќе се удрите или ќе паднете на носот јасно е дека од носот ќе ви потече крв. Но, многу често се случува без никаква причина да забележите дека ви тече крв од носот. Тоа може да се случи додека спиеме, и кога наутро ќе се разбудиме да се збуниме како и кога се случило тоа. Ова крвавење најчесто се јавува од едната ноздра. Иако често се јавува кај деца и повозрасни луѓе, никој не е поштеден. Слузницата на носот е пребогата со ситни капилари и артерии, особено во долниот дел на носната преграда. Добрата вест е дека 90% од крвавењата е појава која сами можете да ја санирате и крвавењата не е симптом кој е поврзан со други нарушувања.