Një numër i madh i personave me diabet, mund të konsumojnë disa lloje të caktuara të alkoolit. Ajo çfarë është e rëndësishme është që konsumimi i alkoolit të jetë në masë të kontrolluar dhe të bëjnë kujdes përsa i përket përbërjes së pijeve. Në ditët e sotme, ka pije të cilat përmbajnë alkool por nuk përmbajnë shumë sheqer pirja e të cilave lejohet edhe për personat me diabet. Para se të vendosni të konsumoni çfarë do lloj alkooli, duhet të keni dijeni për faktin se si ndikon ai  në nivelin e sheqerit në gjak.

Artroza është sëmundja reumatike më frekuente. Ajo mund të shfaqet në çdo nyje të trupit, por  në disa nyje të caktuara shfaqet më shpesh. Kjo është një nga shkaqet e konsultimeve më të shpeshta mjekësore, veçanërisht përsa i përket moshës më të avancuar. Gjysma e personave që i përkasin moshës mbi 65 vjeçare, kanë shenja të artrozës tek nyjet e tyre edhe pse ato nuk kanë pasur asnjë simptomë.

Pyetje:  Jam 66 vjeç dhe 4 vjet me rradhë vuaj nga artriti reumatoid. Përdor Methotrexate  3 tableta nga 2,5 mg  një herë në javë. Kam problem me dhëmbët, por për shkak të terapisë, nuk e di nëse mund të shkoj tek stomatologu për ti hequr. Një problem tjetër që më është shfaqur para tre muajsh është aritmia, dhe që atëherë çdo javë kam aritmi, shqetësim dhe dridhje.  Ku duhet të paraqitem dhe çfarë duhet të bëj?

Qëndrimi ulur pranë kompjuterit për një kohë të gjatë, mungesa e aktivitetit fizik kanë bërë  që pothuajse çdo person i dytë të vuaj nga një lloj dhimbje apo ngurtësim në qafë. Kjo situatë është bërë serioze deri në atë pikë saqë në literaturën mjekësore është futur edhe një term i ri „text neck“ i cili lidhet me ndryshimet në qafë të shkaktuara nga të qëndruarit, shikuarit apo shkruajturit gjatë në telefon apo tablet.  Të gjitha këto zakone apo veprime në shoqërinë moderne përshpejtojnë procesin degjenerativ të shtyllës kurrizore në pjesën e sipërme të qafës, prandaj gjithnjë dhe më shumë  ka pacientë të rinj. Kur flasim për dhimbje në qafë, sipas Prof. Dr. Kiril Lozance, neurokirurg në Spitalin klinik ‘Acibadem Sistina’, ka dy lloje të dhimbjes akute dhe kronike.

Lupusi shfaqet atëherë kur sistemi imunitar nuk funksionon normalisht. Ky aktivitet jonormal i sistemit imunitar shkakton dëm të indeve. Nëse nuk diagnostikohet në kohë dhe nuk trajtohet në mënyrën e duhur, mund të shkaktojë dëmtime të organeve.  Simptomat e kësaj sëmundje autoimune janë të ndryshme tek pacientët, nga simptoma të lehta me ndryshime të shpeshta në lëkurë deri tek ato në gjendje të rrezikshme të cilat ndikojnë në funksionin e zemrës, të veshkave apo të sistemit nervor. Nga viti 1970 numri i personave me lupus është trefishuar, dhe shkaqet janë ende të panjohura.

Koliti ulcerativ është midis grupit të sëmundjeve inflamatore dhe traktit digjestiv. Koliti ulcerativ shfaqet vetëm në zorrën e trashë dhe në rektum dhe prek pjesën e brendshme të tij (mukozën) ku shfaqen ndryshime inflamatore të shoqëruara nga ulçëra (plagë të vogla apo të mëdha në mukozë). Ndryshe nga koliti ulçerativ, sëmundja Crohn mund të shfaqet në çdo pjesë të traktit digjestiv, por zakonisht shfaqet në zorrën e hollë dhe të trashë dhe prek shtresat e brendshme të murit të zorrës. Këto sëmundje inflamatore janë sëmundje me karakter kronik.

Stresi është pjesë e jetës. Ndonjëherë ai manifestohet si motivim i nevojshëm për të përmbushur afatet ose atëherë kur ju duhet të paraqitni performancat tuaja më të mira në një punë të caktuar. Por stresi i pakontrolluar i cili zgjat për një periudhë më të gjatë, mund ta shkatërrojë të gjithë trupin tuaj duke shkaktuar gjithashtu dhimbje dhe simptoma të tjera.

Ju e dini se nëse keni diabet, këmbët tuaja mund të dëmtohen shumë lehtë , madje pa e kuptuar. Një dëmtim i nervave për personat të cilët vuajnë nga diabeti, mund të shkaktojë mpirje të gjymtyrëve, dhe kur rritet niveli i sheqerit në gjak, zvogëlohet aftësia e trupit për të luftuar me infeksionin apo për të shëruar plagën. Nëse nuk jeni të vetëdijshëm për lëndimin që keni marrë dhe nuk e trajtoni atë në menjëherë, atëherë ky lëndim i marrë në këmbë për personat që vuajnë nga diabeti, mund të shkaktojë probleme mjekësore tepër serioze.