Qëndrimi ulur në zyrë para kompjuterit për një kohë të gjatë ndikon mbi muskujt tuaj. Për të parandaluar shfaqjen e ngërçeve dhe dhimbjeve, konsulktohuni me mjekun tuaj i cili do t’ju rekomandojë kryerjen e disa ushtrimeve të thjeshta të cilat mund ti kryeni madje edhe gjatë qëndrimit tuaj në zyrë.
Dhimbja në shpatull është një nga dhimbjet më të shpeshta tek njerëzit për shkak se nyja e shpatullave është nyja më e lëvizshme dhe më e ndjeshme. Për shkak të strukturës dhe funksionalitetit të saj, përdoret më shpesh në aktivitetet e përditshme siç është veshja e rrobave, krehja e flokëve, të ushqyerit… Shpatulla është një nyje e cekët, e cila përveç kockave përbëhet edhe nga kërci, tendonat (tetivat), muskujt, kapsulat dhe të gjitha këto struktura e bëjnë atë të lëvizshme dhe e mbajnë të qëndrueshme.
Shkaqet e dhimbjes
Shkaku më i shpeshtë i shfaqjes së dhimbjes në shpatull mund të jetë ndonjë sëmundje e caktuar, trauma apo ndonjë lëndim i kyçit (nyjes) apo i ndonjë tendoni, ligamenti apo muskuli pranë shpatullës. Intensiteti i dhimbjes rritet me rritjen e aktivitetit të dorës apo shpatullës. Përsa i përket rritjes së intensitetit të dhimbjes, ndikim mund të ketë aktiviteti i rëndë fizik, kryerja e ushtrimeve në mënyrë jo adekuate dhe të tepruar, si dhe ndonjë lëndim. Dr. Mihajllo Ivanovski, traumatolog, këshillon se është e rëndësishme që të fillohet në kohë me trajtimin në mënyrë që dhimbja të mos bëhet kronike apo të mos shndërrohet në sëmundje. Jo gjithmonë ka të bëj me lëndimin, por me kalimin e viteve dhe me përdorimin e përditshëm mund të shfaqet dhimbje në këtë zonë. Në praktikë, zakonisht bëhet fjalë për shfaqjen e dhimbjes në njërën shpatull ( zakonisht, shpatullën të cilën e përdorim më shpesh apo më shumë).
Vendosja e diagnozës
Fillimisht merret anamneza (historia) e pacientit, bëhet kontrolli klinik për të marrë një pamje të përgjithshme të shëndetit të pacientit. Me ndjekjen e duhur të gjendjes së pacientit, duke filluar me radiografi të thjeshtë, rezonanca magnetike është standard i artë për marrjen e diagnozës.
Trajtimi
Pas vendosjes së diagnozës vijon trajtimi konzervativ, pushimi, analgjezia, imobilizimi i shpatullës dhe më pas kalon në terapi fizikale. Disa lëndime, madje edhe nëse bëhet fjalë për kalcifikim, trajtohen me terapi fizikale. Në rast se këto trajtime nuk e zgjedhin problemin, kalohet në terapi më invazive (injeksione me kortikosteroide, trajtim PRP 3-5 javë, në afat të gjatë përmirëson simptomat dhe ndihmon në zgjidhjen e problemit).
Artroskopia në shpatull
Në rast se e gjithë kjo nuk ndihmon, atëherë bëhet kirurgji atroskopike e shpatullës – në mënyrë minimalisht invazive pastrohen të gjitha strukturat të cilat krijojnë dekompresion dhe dhimbje. Më pas nyja e shpatullës funksionon në mënyrë normale. Gjatë arteroskopisë , sanohen apo riparohen të gjitha lëndimet e tetivave dhe muskujve, kërcet dhe indet e tjera të buta.Ky intervenim rutin, bëhet atëherë kur të janë përjashtuar të gjitha mundësitë e tjera të trajtimit. Për të arritur efektin e operacionit , terapia fizikale e kryer nga terapistë profesionalë është e domosdoshme pas kryerjes së intervenimit. Në departamentin e terapisë mjekësore fizikale dhe rehabilitimit, përveç ushtrimeve të cilat kryhen nën udhëheqjen e fizioterapistëve, në rehabilitim përdoret edhe Biotex system 4- apatati izokinetik për trajtimin e lpëndimeve të ndryshme në shpatull, gjendjet pas operacionit, dhe lëndime të trajtuara në mënyrë jo operative. Sportistët profesional dhe ata rekreativë, përballen shpesh me këtë dëmtim, pasi shpatullën e përdorin në mënyrë të vazhdueshme dhe agresive gjatë aktivitetit sportiv. Tek sportistët profesionalë dëmtimet duhet të sanohen apo riparohen menjëherë, në mënyrë që të mund ti kthehen sportit përsëri, prandaj trajtimi tek këta sportistë është më intenziv.
Metoda revolucionare PRP për trajtimin e kyçeve
Metoda Platelets Rich Plasma është trajtim revolucionar i kyçeve (nyjeve) me vetë plazmën e gjakut të pacientit të pasuruar me trombocite. Me ndihmën e kësaj metode indi i dëmtuar rigjenerohet për një kohë të shkurtër. Trajtimi është efektiv dhe pa dhimbje dhe nuk ka pothuajse asnjë kundër reagim pasi përdoret vetë gjaku i pacientit.
