Kujdesi ndaj dhëmbëve duhet të nisë që në moshë shumë të vogël. Fëmijët e vegjël duhet të fillojnë të praktikojnë disa zakone të cilat do ti ndihmojnë që ti ruajnë dhëmbët e tyre. Por, sa prej nesh i praktikojnë ato, apo ajo çfarë është më e rëndësishme, sa shumë persona në mënyrë të pandërgjegjshme gjatë ditës, praktikojnë zakone të cilat janë të dëmshme për shëndetin e dhëmbëve.
Sport pa përdorimin e mbrojtësit të dhëmbëve
Pa marrë parasyshë se çfarë sporti praktikoni, stomatologët rekomandojnë përdorimin e mbrojtësve të dhëmbëve, roli të cilëve është të mbrojnë dhëmbët dhe nofullën. Mund ti blini ose ti porositni që t’ju hartojnë mbrojtës dhëmbësh të veçantë (mouth guard) i cili do të jetë i përshtatur sipas dhëmbëve tuaj.
Dhënia e shisheve tek bebet gjatë kohës kur janë duke fjetur
Me mbrojtjen e dhëmbëve duhet të filloni që në moshë më të vogël. Në këtë drejtim, dhënia e shishes me qumësht apo lëng para apo gjatë kohës që jeni duke e vënë në gjum fëmijën, është një zakon i keq, pasi shpesh ndodh që foshnjat të flenë me dthithën e shishes në gojë. Në këtë mënyrë, sheqeri mbetet në gojë gjatë natës, duke ndikuar negativisht për shëndetin e dhëmbëve.
Kërcitja e dhëmbëve
Në shumicën e rasteve, nëse bruksiszmi nuk shfaqet shpesh , nuk shkakton koplikime serioze, por nëse tashmë për një kohë të gjatë i kërcisni dhëmbët, përveç dëmtimit të dhëmbëve mund të shfaqen edhe dhimbje koke si dhe dhimbje tek nyjet e nofullave.
Bombonat prej gome
Bombonat prej gome ngjiten nëpër dhëmbë dhe mbeten aty sëbashku me sheqerërat që ato përmbajnë duke shkaktuar kështu dëmtimin e dhëmbëve.
Hapja e objekteve me dhëmbë
Hapja e kapakëve të shisheve, e qeseve me ushqim dhe të tjera të ngjashme me këto, shkaktojnë dëmtimin e dhëmbëve tuaj, ndonjëherë edhe thyerjen e tyre. Duhet gjithmonë të keni parasyshë se dhëmbët tuaj nuk janë një mjet që ju shërben për të hapur, dhe nuk duhet tçju shërbejnë për këtë.
Gërricja e ushqimeve
Gërricja e ushqimeve shkakton më pak sekretim të pështymës në krahasim me sekretimin e pështymës që shkaktohet gjatë ngënies së vaktit normal. Në këtë mënyrë ushqimi mbetet më gjatë në gojë duke u bllokuar ndërmjet hapësirave të dhëmbëve.
Duhani
Pirja e duhanit si dhe të gjitha produktet e tjera të cilat përmbjanë nikotinë mund të shkaktojnë dëmtimin dhe rënien e dhëmbëve si rezultat i zhvillimit të sëmundjeve të mishrave të dhëmbëve. Duhani dhe kafja gjithashtu shkaktojnë ngjyrosjen e dhëmbëve.
Përtypja e akullit
Edhe pse është natyral dhe nuk përmban sheqer, nuk do të thotë se akulli është i parrezikshëm për shëndetin e dhëmbëve tuaj. Përtypja e akullit mund ti dëmtoj dhëmbët tuaj. Akulli mund ti irritoj indet e buta (nervat) e dhëmbëve duke duke shkaktuar kështu dhimbjen e dhëmbëve. Ushqimi tepër i ftohtë apo tepër i nxehtë mund të shkaktoj dhimbje të menjëhershme dhe të fortë të dhëmbëve, prandaj, nëse dëshironi të përtypni diçka është më mirë të përzgjidhni çamçakëz pa përmbajtje të sheqerit.
