Me siguri që edhe ju do të pajtoheni me faktin se do të ishte shumë mirë që vetëm me marrjen e një vitamine , të mund të ndërtoni kocka të forta dhe të luftoni kundër sëmundjeve malinje, diabetit, sëmundjeve të zemrës dhe depresionit. Ose thjeshtë t’ju ndihmojë në reduktimin e peshës suaj të tepërt? Një nga vitaminat që vepron pozitivisht ndaj kushteve të lartpërmendura është vitamina “D” të cilën trupi ynë e merr me anë të diellit, por mund ta marrim edhe nëpërmjet ushqimit, si dhe nëpërmjet suplementeve të ndryshme në ushqim.
Vitamina D forcon kockat
Duke filluar që nga fëmijëria dhe deri në moshë të rritur, vitamina “D” është drejtpërdrejtë përgjegjëse për forcimin e kockave. Ajo e ndihmon trupin për të absorbuar kalciumin nga ushqimi. Për personat të cilët kanë rritje rreziku për shfaqjen e frakturës në kocka, është e domosdoshme marrja e vitaminës “D” çdo ditë për ta parandaluar atë. Fëmijët kanë nevojë për vitaminë “D” për të ndërtuar kocka të forta dhe të shëndetshme dhe për të parandaluar raketizmin.
Vitamina D dhe skleroza multiple
Për vite me rradhë, dyshojnë në lidhjen ndërmjet ndikimit të diellit, nivelit të vitaminës “D” dhe sklerozës multiple. Një studim i fundit ka treguar se shkak i shfaqjes së kësaj sëmundje autoimune është çrregullimi gjenetik i cili ndodh për shkak të mungesës së vitaminës “D”. Megjithatë, ende nuk ekziston asnjë provë shkencore se vitamina “D” ndihmon në parandalimin dhe trajtimin e sklerozës multiple.
Vitamina D dhe reduktimi i peshës trupore
Studimet kanë treguar se shpesh personat të cilët janë mbipeshë, kanë nivele të ulëta të vitaminës “D” në organizëm. Yndyrërat e “robërojnë” vitaminën “D” duke bërë të mundur reduktimin e shfrytëzimit të saj nga ana e organizmit. Nuk është bërë e ditur nëse mbipesha trupore shkakton reduktimin e vitaminës “D” apo nëse bëhet fjalë për një process të kundërt. Një hulumtim I kryer në një grup të vogël njerëzish me mbipeshë trupore, ka treguar se futja e vitaminës “D” në ushqim ka efekt pozitiv në uljen e peshës trupore.
Vitamina D dhe depresioni
Vitamina “D” luan rol në zhvillimin dhe funksionimin e trurit. Tek personat me depresion janë gjetur nivele të ulëta të vitaminës “D”. megjithatë, deri tani studimet nuk kanë treguar se dhënia e suplementeve të vitaminës “D” ndihmon në uljen e simptomave të depresionit.
Filloni ditën me vitaminë D
Niseni ditën me një mëngjes të pasur me vitamina dhe minerale. Qumështi i pasur me vitaminë “D”, lëngu i portokallit, drithërat, buka dhe disa lloje të caktuara të kosit, janë një burim i shkëlqyeshëm i kësaj vitamine.
A keni mungesë të vitaminës D?
Faktorët që rrisin rrezikun e absorbimit të pamjaftueshëm të vitaminës D
Mosha mbi 50 vjeç
Lëkura e errët
Mbipesha
Kryerja e operacionit Bypass në stomak
Alergjia ndaj qumështit dhe intolerance ndaj laktozës
Sëmundjet e mëlçisë
Sëmundjet e sistemit të tretjes
Simptomat e mungesës së vitaminës D
Numri më i madh i personave me mungesë të vitaminës “D”, nuk kanë simptoma.Tek disa persona mund të shkaktojë osteomalacia – kocka të buta të shoqëruara me dhimbje të kockave dhe dobësi të muskujve. Tek fëmijët, mungesa e vitaminës “D”, mund të shkaktoj problem skeletore dhe deformim të kockave.
