Edhe pse shumë persona mendojnë se infertiliteti është një “problem i grave”, madje një e treta e të gjitha rasteve ka të bëjë me infertilitetin mashkullor. Hapi i parë që duhet të bëj partneri juaj është që të kryej kontroll tek mjeku urolog.
Marrja mostër nga ekstrakti testikular (micro tese) është një procedurë kirurgjike e cila përdoret për gjetjen e spermatozoideve tek pacientët të cilët nuk kanë spermatozoide gjatë derdhjes së spermës (azoospermia). Dr. Aleksandar Mickovski, kirurg urolog në spitalin klinik “Acibadem Sistina” shpjegon se kjo metodë kryhet me anë të heqjes së një pjese të vogël të indeve nga testiset, nga ku merren spermatozoidet ndërkohë që pacienti është nën ndikimin e anestezisë.
Përse kjo procedurë është më e mirë se biopsia?
Kjo teknikë e përparuar bën të mundur drejtimin e biopsisë në pjesët më të mira duke rritur mundësinë e gjetjes së spermës, duke mënjanuar sasitë më të vogla të indeve në krahasim me biopsinë e thjeshtë. Biopsitë e thjeshta nuk japin gjithmonë rezultate të sakta, apo mjeku nuk mund të gjejë spermë të mjaftueshme duke vëzhguar vetëm pjesën e jashtme të testiseve. Micro tese është një procedurë e avancuar e cila kryhet me anë të mikrokirurgjisë.
Ngrirja e spermës
Micro tese mund të kryhet si procedurë diagnostikuese dhe nëse gjendet spermë e cila mund të përdoret, mund të bëhet ngrirja e saj, ndërsa çifti rekomandohet që të vazhdoj me ICSI (metodë efektive për fekondimin e qelizave vezore kur parametrat e ejkulimit nuk janë optimale, apo kur metodat e mëparshme të fekondimit nuk kanë dhënë rezultat). Me metodën ICSI mund të trajtohen në mënyrë të suksesshme edhe rastet më të vështira të infertilitetit mashkullor ( me numër të vogël apo me mungesë të spermatozoideve në ejakulat). Në raste të tilla, me ndihmën e disa procedurave, spermatozoidet mund të merren nga testiset apo nga epitidimisot. Ngrirja e spermës tek meshkujt me probleme përsa i përket krijimit të spermës, mund të jetë një proces i vështirë, pasi kjo spermë zakonisht është në sasi të vogël dhe ngrirja nuk mund të arrihet lehtë. Prandaj, mundësi më të madhe për shtatzëni do të mund të kenë në rast se ajo përdoret e freskët, duke e marrë atë para fekondimit artificial.
Avantazhet
Mundësia e gjetjes së spermës me Micro tese është mbi 60%. Kjo është një mundësi dy herë më e madhe se gjetja e spermës me anë të biopsisë me gjilpërë, e cila nuk është biopsi mikrokirurgjike që kryhet nga mjekët urolog. Micro tese ka arritur një përparim të madh në kirurgji, duke u fokusuar në teknikat minimalisht invazive, të cilat mundësojnë një shërim më të shpejtë të pacientit.
Qendra e infertilitetit mashkullor
Specialistët e qendrës së infertilitetit mashkullor në “Acibadem Sistina” ofrojnë një metodë unike dhe ekipore, përsa i përket diagnostikimit dhe trajtimit të infertilitetit mashkullor. Si një qendër e nivelit të lartë, ndjekim trendet më të reja botërore, me qëllim për t’iu ardhur në ndihmë çifteve që të kenë pasardhës të tyre. Disponojmë ekipin dhe pajisjet për diagnostikimin e infertilitetit mashkullor, si dhe të gjitha llojet e ilaçeve mjekësore dhe trajtimet kirurgjikale përsa i përket trajtimit të infertilitetit tek meshkujt.
