A keni menduar se si disa veprime ndikojnë në shëndetin dhe vitalitetin tuaj? A mundet që vetëm me një ndryshim të bëni një hap të madh drejt forcimit të tyre, sikurse edhe vetëm me një veprim të gabuar të shkaktoni dobësimin e indideve të kockave?
Konsumi i kripës së tepërt
Me përdorimin e tepërt të kripës, trupi juaj e humbet kalcium, kështu që sa më tepër kripë, më pak kalcium gjendet në trupin tuaj. Reduktoni përdorimin e kripës në ushqimin e përditshëm, shmangni patatinat, djathin e kripur si dhe ushqimin e shpejtë i cili përmban tepër kripë.
Qëndrimi ulur para televizorit
Të gjithëve na pëlqen që të qëndrojmë para televizorit për të parë serinë tonë të preferuar, por qëndrimi I gjatë ulur apo shtrirë I bën kockat tuaja dembele. Stërvitja apo kryerja e ushtrimeve është zëvendësimi ideal për të. Gjëja më e mirë për kockat është qëndrimi në këmbë, këmbëet dhe shputat e këmbëve e mbajnë të gjithë peshën e trupit, ndërsda muskujt dhe kockat tuaja janë active dhe luftojnë me forcën e gravitetit.
Çiklizmi në rrugë të gjata
Çiklizmi forcon zemrën dhe mushkëritë, por jo kockat. Për të përmirësuar fuqinë dhe dendësinë e kockave, mjekët rekomandojnë ecjen dhe vrapimin si gjënë më efikase. Nëse jeni çiklist I apasionuar, atëherë përpiquni që ti kombinoni aktivitetet në agjendën sportive , duke përfshirë tenisin, notin, vallëzimin, etj.
Të mbyllur në zyrë
Rrezet e diellit ndihmojnë në krijimin e vitaminës D në organizëm. Mjafton ekspozimi 10-15 minuta në diell gjatë ditës, për të pasur kocka të shëndetshme. Por problem është se një pjesë të mirë të ditës e kalojmë në ambiente të mbylluara dhe e humbasim diellin. Gjithashtu, krijimi I vitamins D me ndihmën e rrezeve të diellit, varet nga mosha, ngjyra dhe stina e vitit.
Alkooli
Dozat e larta të alkoolit janë të dëmshme për indet e kockave. Alkooli zvogëlon aftësinë e trupit për të absorbuar kalcium.
Pirja e duhanit e ngadalëson procesin e krijimit të indeve të reja të kockave. Tek duhanpirësit, periudha e shërimit të kockave të thyera zgjat më tepër dhe kërkon me tepër trajtim. Heqja dorë nga ky ves i keq, do t’ju ndihmojë në përmirësimin e shëndetit të kockave tuaja.
Mosushqimi / kequshqimi
Vlerat e ulëta të BMI (body mass index) mund të shkaktojnë lehtë thyerje të kockave apo humbje të indeve të kockave. Nëse pa arsye humbisni peshë trupore, bisedoni me doktorin tuaj.
