Архиви

Неколку здрави совети

Премногу туширање не е здраво

Дерматолозите предупредуваат дека капењето минимум двапати во денот, дури и со обична вода не е здраво за вашата кожа. На тој начин го отстранувате природното масло кое на кожата ѝ служи како заштита.

Дали да вежбате со настинка и грип?

Дојде периодот на настинки и грип. Доколку сте настинале и се прашувате дали да продолжите со тренингот, одговорот е не! Но, секако, не ја заборавајте оваа добра навика. Веднаш стопирајте со тренингот доколку сте настинати. Телото треба да ја зачува енергијата и да ја насочи кон подигнување на имунитетот. Но, имајте на ум дека со прекинување на тренингот се намалува производството на глутамин (есенцијална амино-киселина) која е неопходна за да се зајакне имунолошкиот систем.

5 заблуди во врска со карциномот на кожа

Во последните 4 децении појавата на меланом се зголеми за 4 пати и на тој начин стана најчестиот вид канцер кој ги погодува жените на возраст од 25 до 29 години. Карциномите на базалните и сквамозните клетки кои некогаш се сметаше дека ги напаѓаат само повозрасните жени се повеќе се присутни и кај помладите. Кои се заблудите кои ги имаме во врска со канцерот на кожа и што можеме да направиме во врска со тоа, уште во овој момент?

Хируршки третман на карцином на дојка

Карциномот на дојка може да се третира со повеќе хируршки техники:

–          Отстранување на карциномот на дојка (лумпектомија)

Оваа хируршка интервенција подразбира отстранување на туморот, како и дел од здравото ткиво кое се наоѓа околу него. Лумпектомијата најчесто се прави кај малите тумори.

Како да знаете дека поминало многу време пробувајќи да забремените?

Сѐ започнува со идејата да се има бебе. По извесен период одлучувате дека е вистинското време за бебе. Потоа престанувате да ги пиете антибеби пилулите и чекате. Можеби ќе помине месец или два. Сè уште не сте бремени. Почнувате да станувате загрижени.

Нема потреба. Два месеци не се воопшто загрижувачки период.

Како да ги победите есенските алергии?

Кога станува збор за алергиите луѓето најчесто мислат дека тие се актуелни само во пролетните денови, но не е така. Во есенските месеци доаѓа до интензивирање на симптомите на целогодишните алергии. Најчесто станува збор за паразитите кои живеат во домашниот прав и алергиите од мувлата. За најчестите симптоми кои се појавуваат со есенските алергии, но и за третманот кај овие пациенти разговаравме со доктор Камелија Бушљетиќ, пулмоалерголог од Клиничката болница „Аџибадем Систина“.

Спречете ја настинката и зајакнете го имунитетот!

Есента е годишното време на вирусите. Тие постојано демнеат и ги напаѓаат оние кои имаат послаб имунитет. Седењето долги часови во затворени простории не можеме да го избегнеме, но затоа можеме максимално да се заштитиме. Ви препорачуваме да го зајакнете имунитетот и да го подобрите вашето здравје.

Волшебна есенска напивка

Започнете го денот со оваа волшебна напивка. Вистинска енергетска бомба која ќе ве расони и ќе ви ги обезбеди сите потребни минерали и витамини за добро функционирање во текот на работниот ден.  Сокот од цвекло содржи компоненти кои го подобруваат крвотокот, помагаа во регулирањето на крвниот притисок, телото подобро реагира на физичките вежби, така што го балансира кислородот и ја зголемува енергијата и физичката сила кои се потребни за вежбањето. Овој сок е еден од најбогатите избори на антиоксиданти и нитрати. Нитратите се познати по тоа што го подобруваат крвотокот во целото тело – вклучувајќи ги главата, срцето и мускулите.

Како да се ослободите од негативните мисли?

Нашиот ум треба да ни биде сојузник, а не непријател!

Едно од најголемите прашања со кои се соочуваат многу психотерапевти и советници е како да го скротите вашиот ум и да го претворите во сојузник наместо непријател.

Нашите секојдневни маки и грижи, пред сѐ, се од психичка природа. Се грижиме до мера на опсесивност. Нè гонат некои дамнешни проблеми, но се грижиме и за проблемите со кои допрва треба да се соочуваме. Луѓето постојано си поставуваат прашања од типот што не е во ред со мене? Што ќе ми се случи? Како ќе се извлечам од оваа ситуација?