Болка во мускулите – причина, лекување и превенција
Стресот, неправилното држење на телото или прекумерната физичка активност се најчестите причини за појава на болка во мускулите. Но таа може да биде поврзана и со одредени медицински состојби, па во тој случај справувањето со неа задолжително бара лекарска помош. Бидејќи целото тело е покриено со мускулно ткиво, нема човек кој не почувствувал болка и непријатност во некој дел од мускулите. Оваа состојба може да е изолирана, во само една регија или мускулна група, и генерализирана, кога болката се јавува во мускулатурата по целото тело. Според д-р Аница Хаџи-Петрушева- Јанкијевиќ, физијатар во Клиничката болница „Аџибадем Систина“, болката обично се јавува на одредена регија телото, како на пример на грбот, рамениот појас, мускулатурата во натколената или потколената.
Бенигни цисти во дојките
Сè што се напипува како јазол во кој било дел од телото, или сè што се гледа како сенка на рендген слика, во медицината се нарекува тумор. Тумори има различни – бенигни и малигни. Кога станува збор за дојките, цистата спаѓа во групата на бенигни тумори. Таа претставува меур што се полни со течност во зависност од хормоните во јајчниците. Секојдневниот физички и психички стрес, исхрана богата со хормони и лекови кои се пијат од различни причини, може да предизвика нарушување во лачењето хормони во јајчниците и сето тоа да влијае врз жлезденото ткиво во дојките. Како последица на ова, се формираат меури (цисти) во жлезденото ткиво на дојките, кои можат да бидат единечни или во групи со различни ло- кации во едната или во двете дојки.
Состојби кои предизвикуваат метален вкус во устата
Металниот вкус во устата може да биде индикатор за сериозни заболувања, како што се заболувања на бубрезите и црниот дроб, најчесто се јавува како симптом кај дијабетичарите или кај болните од канцер. Но, ваквиот вкус во устата може да се јави периодично, доколку примате одредени лекарства. Прочитајте кои состојби може да бидат причина за металниот вкус во устата.
Како да си помогнете ако имате запек
Надуеноста на стомакот е само еден од знаците кои ги чувствуваат лицата кои имаат проблем со запек. Запекот се јавува како резултат на отежнато движење на цревата или пак кога ваквите движења се јавуваат многу поретко од нормалното. Фреквенцијата на движење на цревата е различна кај секој човек. Доколку ваквата појава трае повеќе од три дена, потрудете се да ја спречите оваа состојба почнувајќи од стилот на живеење и промена на исхраната.
Заштитете ги децата од претоплување во автомобил
Секоја година расте бројот на деца кои добиваат топлотен удар возејќи се во претоплен автомобил или, пак, што е уште позагрижувачки, расте бројот на несреќнислучаи на светско ниво поради несвесно заборавање на децата на задното седиште во автомобилот. Еве неколку митови што ќе ви помогнат да разберете зошто е важно да ја регулирате температурата во автомобилот
Скок во вода – опасна забава
Една од активностите во кои повеќето уживаат во летниот период е скокање во вода. Но, дали знаете дека 20% од повредите на `рбетот се по- следица на скокање со глава во вода? Проф. д-р Јордан Савески, хирург трауматолог, од Клиничката болница „Аџибадем Систина“ советува да не скокате во вода без да знаете какво е и што има на дното. Кога удира главата во дното, е еден вектор на сила, а тежината на телото претставува друг вектор на сила. Во судар на два вектора на сила се крши прешленот. Тој се дроби и прешленските парчиња се набиваат во `рбетниот мозок и вршат компресија или комплетно го прекинуваат `рбетниот мозок. Прешлените се изместуваат, и сето тоа води до повреда на `рбетниот мозок со невролошка парализа, која може да биде фатална по животот.
Задолжителни тестови за рано откривање на малигни болести
Раното откривање на малигните болести влијае врз понатамошниот третман и ги зголемува шансите за целосно излекување. Доколку дијагнозата се постави многу доцна, карциномот може да се прошири и на други делови од телото. Овие тестови треба да ги прават сите, особено луѓето кои имаат зголемен ризик од појава на карцином и лица кои имале член во семејството кој боледувал од некој вид канцер. Еве кои задолжителни скрининг тестови ги препорачуваат докторите од Клиничката болница „Аџибадем Систина“.
Како да си помогнете кога имате киселини во желудникот
Чувството на печење/жарење зад градната коска знае да биде непријатно, посебно доколку ви се случува често. Постојат бројни причини зошто ви се јавува ваквото чувство, но главната причина е излевање на желудочната киселина во хранопроводот. Ова се јавува кога сфинктерот (мускулниот отвор) помеѓу желудникот и хранопроводот се отвора кога не е потребно.
Препознајте ги знаците на леукемија
Леукемија е вид карцином на крвта како резултат на абнормално, несопирливо и инванзивно размножување на малигни ќелии од хематопоетско потекло кои ја инфилтрираат коскената срцевина, периферната крв и други органи и ткива. Симптомите може да се појават нагло или постепено во зависност од тоа дали се работи за акутни или хронични леукемии. Еволуцијата на симптомите може да трае неколку денови, недели или повеќе месеци. На почетокот симптомите можат да бидат неспецифични и да имитираат други немалигни состојби. Раното препознавање на симптомите има значење за успешен одговор на дадената терапија.
Најголемите заблуди за канцерот
Заблудите поврзани со карциномот кај многу пациенти може да доведат до непотребен страв и грижи. И кога еднаш ќе чуете некој факт, започнуваат долгите пребарувања по интернет, натписите по весници, потоа продолжувате да ги читате етикетите на производите да не случајно станува збор за канцерогени производи. Прочитајте ги најголемите заблуди за канцерот.
