Време на грип, настинки, но и пневмонија
Фебруари е месец на грипот и настинките, но и на пневмонијата. Пневмонијата е воспаление на воздушните меурчиња (алвеолите) на белите дробови и може да се јави на еден дел, сегмент или резен, или на повеќе места во двете белодробни крила (бронхопневмонија). Ја предизвикуваат микроорганизми, најчесто бактерии, но и вируси и габички, атипични бактерии (микроорганизми што имаат карактеристики и на бактерии и на вируси). На прашањата дали да се плашиме од пневмонијата, кога да побараме медицинска помош и како да се заштитиме, одговор ни даде доктор Камелија Бушљетиќ, пулмоалерголог од Клиничката болница „Аџибадем Систина“.
Естетска корекција на нос
Секоја година повеќе од половина милион луѓе бараат корекција на носот. Некои од нив се незадоволни од изгледот кој го имаат од самото раѓање, останатите, пак, заради промените кои настанале со стареењето. Токму промената на обликот и големината на носот е еден од најчестите зафати во естетската хирургија
Носот зазема централна позиција на лицето и многу истражувања покажуваат дека токму средната третина од лицето е првото нешто што се забележува од личниот опис, а дури потоа забите и устата. Корекцијата на нос, односно ринопластика е интервенција која еднакво ја бараат и жените и мажите. Покрај естетските причини, со корекција на носот се отстрануваат и функционалните проблеми кај пациентите. Дури и мала корекција може да направи голема разлика во целокупната хармонија на лицето. За тоа како се изведува постапката објаснување ни даде доктор Илија Мостров од Клиничката болница „Аџибадем Систина“.
Реконструкција на дојки по мастектомија
Во текот на лекувањето на карциномот на дојка, една од можните последицие и загубата на дојката, состојба која има негативно психичко влијание кај многу жени, но постои можност за естетски третман по хируршката интервенција на дојката – реконструкција по мастектомија. Ова им помага на жените подобро да се соочат со болеста, да ја подигнат самодовербата и да ги намалат траумите од самата интервенција. Кои се предностите, кога и како треба да се направи реконструкцијата, одговор ни дадоа лекарите од Центарот за дојки при Клиничката болница „Аџибадем Систина“.
Збогувајте се со несаканите влакна
Не дозволувајте малите и темни влакна да влијаат врз вашиот изглед. Зимата е идеален период да започнете со третманите за ласерска епилација и конечно еднаш засекогаш да се збогувате со несаканите влакна на вашето тело. Сѐ за ласерската епилација ни откриваат лекарите од Одделот за дерматологија при Клиничката болница „Аџибадем Систина“.
Амниоцентеза
Интервју д-р Митко Ивановски, спец. гинеколог-акушер од Клиничката болница Аџибадем Систина
Според податоци на Светската здравствена организација, дури 10 проценти од амбулантските и 20 проценти од сите болнички лекувани пациенти носат наследен фактор како причина за своите тегоби. Една од методите за рано откривање на дел од нив е и амниоцентезата, која насекаде низ светот се прави на доброволна основа и тоа уште за време на бременоста. Зашто ризикот од хромозомопатии, а пред се Даунов синдром, пополека се зголемува со возраста на мајката (парот). Кај 35 годишна жена ризикот е околу 1 од 200 новородени. Во повеќе земји стандардно се препорачува амниоцентеза кога идната мајка е на возраст на над 35 години. Во помал број земји, како на пример, Франција се препорачува над 38 годишна возраст.
За здрава детска насмевка
Колку порано започнете да се грижите за детските заби, толку поубава насмевка ќе има вашето дете кога ќе порасне. Грижата за забите почнува веднаш штом се појави првиот заб. Тие почнуваат да се појавуваат по шестиот месец од животот на бебето, и од тој момент четкањето на забите ќе биде ваша обврска се додека тоа не се научи само да ги мие запчињата. Практикувајте ја оваа секојдневна навика и вашето дете ќе има убава насмевка и здрави запчиња. За се што треба да знаете за хигиената на детските заби, одговор ни даде д-р Бљерта Зеќири Абдули, стоматолог од Клиничката болница „Аџибадем Систина“.
Совети за блескави заби
1. Страв од стоматолог
Не плашете се да отидете на стоматолог. Само со редовни посети ќе имате здрави заби и бисерна насмевка. Доколку се плашите од самата помисла, нервозни сте и постојано ја одложувате посетата на стоматолог, на следниот преглед понесете со себе цд плеер со вашата омилена музика. Слушањето музика ќе ве опушти и релаксира. Дишете длабоко и ова е еден од начините како да се опуштите.
За добар зимски сон
Во текот на зимата потребни ни се 8-9 часа квалитетен одмор за обновување на силите, но не заборавајте дека сонот подолг од 10 часа може да му наштети на нашиот организам. За да се чувствуваме добро и во зима, мора да внимаваме на нашиот сон. Пред да си легнете проветрете ја собата во која спиете, потоа внимавајте на влажноста на воздухот и висината на перницата.
Трнење на прстите
Трнењето на прстите на дланката или нозете укажува дека нешто не е в ред со вашиот организам. Но, не треба да оставите на времето, овој проблем може да биде сериозен. Помош од доктор треба да побарате доколку трнењето во прстите е континуирано и не запира, чувствувате болка, слабост и одземеност. Овие појави никако не треба да ги игнорирате доколку имате тикови, губите свест, ориентација, имате пречки во говорот или имате слаб вид.
Тикови кај децата – постои ли причина за грижа?
Што се тикови, кога се јавуваат и како се делат?
Тиковите се ненадејни, повторувачки и ненамерни моторни движења на ист мускул или на група мускули, односно повторувачки вокални симптоми. Овие движења и вокализации се начин на ослободување од одредена внатрешна емоционална напнатост. Детето може на кратко да го супримира тикот, но тоа резултира со непријатност што се надминува со изведување на тикот. Моторните тикови се делат на: едноставни и сложени. Едноставните опфаќаат едноставни движења – трепкање, шмркање, подигање на рамениците, додека сложените или комплексните се состојат од серија моторни движења секогаш со ист редослед – на пример детето удира со едната нога, па потоа со другата нога, па потоа подрипнува. Во однос на времетраењето се делат на: транзиторни или минливи; хронични и Туретов синдром.
