Што се тикови, кога се јавуваат и како се делат?

Тиковите се ненадејни, повторувачки и ненамерни моторни движења на ист мускул или на група мускули, односно повторувачки вокални симптоми. Овие движења и вокализации се начин на ослободување од одредена внатрешна емоционална напнатост. Детето може на кратко да го супримира тикот, но тоа резултира со непријатност што се надминува со изведување на тикот. Моторните тикови се делат на: едноставни и сложени. Едноставните опфаќаат едноставни движења – трепкање, шмркање, подигање на рамениците, додека сложените или комплексните се состојат од серија моторни движења секогаш со ист редослед – на пример детето удира со едната нога, па потоа со другата нога, па потоа подрипнува. Во однос на времетраењето се делат на: транзиторни или минливи; хронични и Туретов синдром.

Неконтролираната употреба на антибиотици е главна причина за отпорност на бактериите. И покрај овој факт, и понатаму се пијат антибиотици и во случаи на вирусни инфекции. Според д-р Душко Фидановски, педијатар, пациентите треба да бидат посовесни, и кога докторот нема да препише антибиотска терапија, да не посегнуваат на своја рака, посебно кога се работи за нивните деца.

Промените во пубертетот почнуваат кога мозокот предизвикува производство на полови хормони. Потоа следат физичките промени, но секое дете се развива на свое темпо. Пубертетот обично почнува прво кај девојчињата па потоа кај момчињата. За повеќето девојки, пубертетот почнува околу 11-годишна возраст. За момчиња, пак, пубертетот почнува од 10 до 14. Просечната возраст е 12-тата година.

Уринарните инфекции се најчесто заболување на уринарниот тракт и една од најчестите инфекции кај децата. Се дефинираат како инвазија на микроорганизми во ткивото на уринарниот тракт (или лабораториски присуство на  сигнификантен број на бактерии во уринате-позитивна уринокултура). Доколку не се третираат навремено и правилно, може да доведат до оштетување на бубрезите.  За поделбата, нивната застапеност, симптомите и лекувањето на уринарните инфекции во детска возраст разговаравме со доктор Надица Ристоска Бојковска, педијатар нефролог во Клиничката болница „Аџибадем Систина“.

Со вакцинација детето се заштитува од повеќе опасни детски заболувања. Вакцинацијата го зајакнува имунитетот на детето. Детето кое редовно ќе ги прими сите вакцини ќе стане отпорно на најтешките детски заразни болести. Само со редовна и целосна вакцинација се обезбедува сигурна заштита.

Белите дробови на детето не се исти како кај возрасните. Од период на новороденче до возрасен, дијаметарот на бронхиите се зголемува за 2,8 пати. Зголемувањето почнува по втората година. Со терминот бронхит се означува транзиторно воспаление на луменот на бронхиите. Во детската возраст најчести се акутниот опструктивен и повторувачко опструктивниот бронхитис. Акутниот бронхитис  најчесто се јавува во зимскиот период. За најчестите прашања кои ги мачат родителите во врска со бронхитот одговор ни даде д-р Катерина Обочки, педијатар од Клиничката болница „Аџибадем Систина“.

Детска парализа е многу заразна вирусна инфекција која може да доведе до парализа на телото, проблеми со дишењето, па дури и до смрт. Како и многу други заразни болести има тенденција да ги нападне најранливите членови на популацијата. Во оваа група спаѓаат децата, бремени жени и оние со ослабен имунолошкиот систем. Секој кој навремено не бил вакциниран против детска парализа е особено подложен на заразување со инфекцијата.

Покачена температура, затнато носе, кашлица, секреција, воспалени крајници… иста слика и оваа есен. Октомври е месец кога настапуваат пониските температури и на сцена доаѓаат рино-вирусите, пара-инфлуенцата и адено вирозите. Овие вируси не се премногу опасни, но можат да бидат и затоа треба да се лекува навреме. За најчестите симптоми, детекцијата и превенцијата разговаравме со професор доктор Гордана Маческа Баџакова – педијатар, пулмоалерголог од клиничката болница „Аџибадем Систина“.

Наспаните дечиња многу подобро учат, повеќе се концентрирани за време на училишните обврски и знаењето подобро го меморираат. Недостигот на сон може да резултира со заборавеност и расеаност.

Истражувањата покажуваат дека децата што спијат помалку од девет часа се соочуваат со последици во училиште. Повеќето деца на седумгодишна возраст на кои им е скратен сонот, имаат помала способност да комуницираат и да ги решат основните математички задачи.