Вирусите најчесто предизвикуваат воспаление на респираторните патишта. Иако ова е најчесто воспаление, вирусите се “виновни” и за воспаление на други органи и ткива, меѓу кои и мускулите. А кога вирусите ќе предизвикаат воспаление на мускулите, се јавува болка, а децата не можат да стојат и одат, па докторите велат дека тие имаат миозитис.

Долгото и неправилно седење пред компјутер, дома или на работното место, често  предизвикува болка во грбот. Оваа болка е еден од најчестите здравствени проблеми и нема човек кој не се пожалил од неа.

Спондилоза – болест на „седечкиот човек“

Спондилозата е дегенеративно заболување на ‘рбетниот столб  и најчестото се јавува кај луѓето кои долго време седат. ‘Рбетот е составен од прешлени кои меѓусебно се поврзани со зглобови, а разделени се со меки дискови. Оваа целина го прави ‘рбетот флексибилен и прилагодлив, а прешлените и меките делови се еден вид  стабилизатори кои ги апсорбираат стресот и вибрациите кои се формираат кога човекот се движи.

Ин­тер­вен­ци­и­те за вгра­ду­ва­ње ен­доп­ро­те­зи на кол­кот се ед­ни од нај­чес­ти­те из­ве­ду­ва­ни опе­ра­тив­ни ин­тер­вен­ции во ор­то­пе­ди­ја­та. Ис­то­ри­ја­та на овој тип опе­ра­ци­ја е мно­гу дол­га и драс­тич­но се раз­ли­ку­ва од по­че­то­ци­те до она што де­нес е дос­тап­но во сов­ре­ме­но­то вре­ме. Со но­ви­те ма­те­ри­ја­ли, ка­ко и но­ви­те по­мал­ку ин­тен­зив­ни ме­то­ди на опе­ри­ра­ње ре­ха­би­ли­та­ци­ја­та и нор­мал­ни­от жи­вот на опе­ри­ра­ни­от па­ци­ент се пос­тиг­ну­ва за мно­гу по­кус пер­и­од. От­ка­ко ќе за­вр­ши не­оп­ход­ни­от пер­и­од на адап­та­ци­ја на па­ци­ен­тот, што де­нес из­не­су­ва два-три ме­се­ци, тој е спо­со­бен за нор­ма­лен се­кој­дне­вен жи­вот.

Стресот, неправилното држење на телото или прекумерната физичка активност се најчестите причини за појава на болка во мускулите. Но таа може да биде поврзана и со одредени медицински состојби, па во тој случај справувањето со неа задолжително бара лекарска помош. Бидејќи целото тело е покриено со мускулно ткиво, нема човек кој не почувствувал болка и непријатност во некој дел од мускулите. Оваа состојба може да е изолирана, во само една регија или мускулна група, и генерализирана, кога болката се јавува во мускулатурата по целото тело. Според д-р Аница Хаџи-Петрушева- Јанкијевиќ, физијатар во Клиничката болница „Аџибадем Систина“, болката обично се јавува на одредена регија телото, како на пример на грбот, рамениот појас, мускулатурата во натколената или потколената.

Една од активностите во кои повеќето уживаат во летниот период е скокање во вода. Но, дали знаете дека 20% од повредите на `рбетот се по- следица на скокање со глава во вода? Проф. д-р Јордан Савески, хирург трауматолог, од Клиничката болница „Аџибадем Систина“ советува да не скокате во вода без да знаете какво е и што има на дното. Кога удира главата во дното, е еден вектор на сила, а тежината на телото претставува друг вектор на сила. Во судар на два вектора на сила се крши прешленот. Тој се дроби и прешленските парчиња се набиваат во `рбетниот мозок и вршат компресија или комплетно го прекинуваат `рбетниот мозок. Прешлените се изместуваат, и сето тоа води до повреда на `рбетниот мозок со невролошка парализа, која може да биде фатална по животот.

Ахиловата тетива е една од најголемите и најсилни тетиви кај човекот. Се наоѓа меѓу спојот на мускулот на потколеницата со коската на петицата и има голема улога во процесот на трчање. Од повреда на оваа тетива најчесто страдаат рекреативците и спортисти кои имаат интензивни и напорни тренинзи. Повредата на Ахиловата тетива е релативно честа бидејќи е доста оптоварена, особено кај луѓе кои подолго време се во патики, во копачки и спортска опрема и менуваат тврда и мека подлога.

Гихт е метаболно заболување кое прeдизвикува воспаление и оток на зглобовите. Овој облик на артритис е предизвикан од таложењето на кристалите на мочната киселина во зглобовите, кожата, меките ткива и бубрезите. Најчести симптоми се силните болки во зглобовите, црвенило, отоци и покачена температура.

Воспалението во мускулите може да биде резултат на три причини: замор, практикување на некоја необична активност и тренирање на само една мускулна група.

Кога е во прашање заморот, мускулите почнуваат да ве болат или за време на самата активност или непосредно по активноста. Доколку почувствувате болка направете мала пауза или префрлете го напорот на друга мускулна група.

Необичната активност опфаќа поширок поим бидејќи се однесува на сите активности кои на вашето тело му делуваат „необично“ бидејќи не сте ги правеле подолг временски период. На пример, практикување на некој спорт по подолго време, но и изведување некои вежби кои никогаш до сега не сте ги правеле. Воспалението се јавува од 12 до 72 часа по активноста. Дури и врвните спортисти можат да ги воспалат мускулите по интензивни тренинзи.

Коските се најсилни и најцврсти до 30. година, а потоа почнуваат да ја губат густината. Остеопорозата значи дека имате слаби коски. Најчесто не сте свесни дека имате загуба на коскеното ткиво. Кај голем број жени скршеницата е првиот знак дека имате остеопороза. Покрај скршеницата, јасен симптом за остеопорозата е и болката во долниот дел на грбот, која се јавува како резултат на промените на прешлените на `рбетниот столб.