Cili është kujdesi që duhet të prisni nga infermierja?
Gjatë hospitalizimit tuaj, infermierja është një anëtare e rëndësishme e stafit mjekësor e cila kujdeset për shëndetin dhe sigurinë tuaj. Kujdesi profesional ndaj pacientit është pjesë e jetës së tyre të përditshme. Përgjatë viteve janë futur protokolle të reja përsa i përket trajtimit dhe kujdesit shëndetësor të pacientëve, teknologji dhe kushte të reja moderne në punë. Por, humanizmi dhe dëshira për të ndihmuar çdo pacient është pjesë e pandashme e këtij profesioni. Përgjegjësia dhe angazhimi ndaj pacientëve, janë segmenti më i rëndësishëm i këtij profesioni. Detyra e infermieres është monitorimi i përditshëm i zhvillimit të gjendjes së pacientit, të identifikojë në kohë rreziqet e mundshme, të përgatisë terapinë dhe të jetë e disponueshme për ti ofruar ndihmë pacientit në çdo kohë.
Për çdo ndryshim të shfaqur tek nishanët konsultohuni menjëherë me mjekun dermatolog
Muaji maj është muaji i ndërgjegjësimit përsa i përket melanomës tek njerëzit, na thoni diçka më tepër rreth kësaj sëmundje, çfarë tregojnë statistikat?
Melanoma është tumori më malinjë i lëkurës, dhe ka një numër më të lartë të vdekshmërisë në krahasim me të gjitha sëmundjet e tjera melinje të lëkurës. Origjina e kësaj sëmundje rrjedh nga qelizat e quajtura melanocite. Përhapet shumë shpejt dhe i sulmon edhe organet e brendshme. Kjo sëmundje mund të shfaqet tek të dyja gjinitë. Bëhet fjalë për një tumor agresiv i cili është i fsheht dhe në rast se metastazohet është tepër i vështirë për tu trajtuar pasi ky tumor është rezistent ndaj rrezatimit dhe kimioterapia ka efekt të kufizuar.
Qendra PET në spitalin klinik “AcibademSistina” është një rreze shprese për pacientët e sëmurë me kancer
Qendra PET është e vetmja qendër në Maqedoni dhe në rajon, e cila ofron kujdes të lartë sipas standardeve botërore më të rrepta. PET/CT është teknika më efektive e inçizimit e cila përdoret për përcaktimin e diagnozës, përcaktimin e shkallës së sëmundjes,vlerësimin e efekteve nga terapia e marrë për trajtimin e kancerit, planifikohet radioterapia dhe kimioterapia tek shumica e rasteve të kancerit. Tre vjet më parë ishin regjistruar 200 pacientë, ndërsa sot janë të regjistruar 1000 pacientë.
Astma në shtatzëni
Astma e pakontrolluar gjatë periudhës së shtatzënisë mund të shkaktoj reduktimin e rrjedhës së oksigjenit tek fetusi, lindjen në peshë të vogël të fëmijës si dhe me rritje të ngadaltë. Ndërkohë që tek nëna mund të shkaktoj preeklampsi, probleme me placentën si dhe probleme me presionin e lartë të gjakut. Astma është një problem me të cilin përballet një numër i madh i popullsisë, duke përfshirë këtu edhe gratë shtatzëna. Është e vështirë që të parashikohet se si mund të ndikojë shtatzënia mbi astmën, pasi çdo grua shtatzënë reagon në mënyrë të ndryshme.
PET/CT për diagnozë të saktë dhe trajtim efikas të sëmundjeve malinje
Në të gjitha qendrat onkologjike në mbarë botën, fillimi i trajtimit të sëmundjeve malinje pa marrjen e rezultatit nga aparati PET/CT është i pamundur. Rezultatet e PET/CT tregojnë lokalizimin e saktë të tumorit, përhpjen e tij, dhënien e trajtimit të duhur si dhe mundëson ndjekjen dhe vlerësimin e efekteve nga trajtimi i marrë. Me një fjalë, këto rezultate japin udhëzime të sakta përsa i përket ndjekjes së saktë dhe cilësore të trajtimit të sëmundjeve malinje. Dr. Liljana Muratovska, specialiste në mjekësinë nukleare në spitalin klinik “Acibadem Sistina” shpjegon se me praninë e aparatit PET/CT, pacientët me sëmundje malinje në Maqedoni dhe në rajon, kanë mundësi të trajtohen sipas standardeve botërore.
Përse duhet të ngisni biçikletë?
Pranvera është periudha ideale për të shëtitur me biçikletë. Kjo mënyrë e përsosur për tu marrë me sport përballet shumë mirë me kilogramët e terpërt, me forcimin dhe formimin e muskujve. Shëtitjet me biçikletë ndikojnë edhe në fitimin e qëndrueshmërisë në organizëm, reduktimin e shfaqjes së presionit të lartë të gjakut, forcimin e imunitetit si dhe në reduktimin e stresit. Gratë të cilat peshojnë 60 kg, do të shpenzojnë 480 kalori nëse ecën me biçikletë me një shpejtësi mesatare prej 20-25 km në orë (60 min.) sa më shpejtë dhe në mënyrë intenzive të ecni me biçikletë, aq më shumë kalori do të shpenzoni. Por, ekspertët nuk rekomandojnë që të sforcoheni me këtë aktivitet. Studimet kanë treguar se personat të cilët ecin me biçiklet 10 km, dy herë në javë, djegin gjysëm kilogram yndyrë në muaj.
Ndryshimi i nishanit alarm për melanom
Rreth 50% e personave të paktën një herë gjatë jetës së tyre janë përballur me ndonjë zhvillim parakancerogjen në lëkurë, ndërkohë hulumtimet kanë treguar se 70% e njerëzve nuk i njohin simptomat paralajmëruese. Melanoma është forma më e vështirë e kancerit të lëkurës, dhe ka një numër më të lartë të vdekshmërisë në krahasim me të gjitha sëmundjet e tjera melinje të lëkurës. Origjina e kësaj sëmundje rrjedh nga qelizat e quajtura melanocite. Melanoma është rezistente ndaj rrezatimit, ndërsa kimioterapia ka një rol të kufizuar në trajtimin e kësaj sëmundje, dhe për të pasur një prognozë të mirë, është i nevojshëm diagnostikimi në kohë i saj – shpjegon Doc. Dr. Andrej Petrov, dermatovenerolog në spitalin klinik “Acibadem Sistina”.
Trajtimi i smundjeve kardiovaskulare me intervenim hibrid
Tendenca globale në mjekësi për të arritur efektin maksimal me rrezik minimal, është fokusuar veçanërisht në kardiologji, kardiokirurgji dhe në kirurgjinë vaskulare. Kjo nënkupton që pacienti do të jetë i ekspozuar ndaj rrezikut minimal dhe do të ketë rezultate diagnostike maksimale dhe efekt terapeutik maksimal. Sipas Dr. Zharko Hristovskit, kardiolog intervent në spitalin klinik Acibadem Sistina, gjatë 30 viteve të fundit, kardiologjia intervente, në mënyrë shumë pak agresive, zgjidh problemet të cilat më parë trajtoheshin nga kirurg.
Aborte të përsëritura
Aborti spontan përkufizohet si ndërprerje e shtatzënisë e cila ndodh deri në javën e 20 gestatike, dhe si nxjerrje e embrionit apo fetusit nga mitra. Ky lloj aborti ndodh tek 10-20% e rasteve të aborteve. Për të filluar me analizën e detajuar të shkaqeve të aborteve të përsëritura, Dr. Ana Kacarska, gjinekologe, obstetër në spitalin klinik “Acibadem Sistina” thekson se është e nevojshme që të ndodhin tre aborte, të cilat nuk është e thënë që të jenë të njëpasnjëshme.
Disa të fshehta të cilat nuk duhet ti fshihni nga mjeku juaj
Nëse ekziston vendi në të cilin duhet të tregoheni të sinqertë dhe ti tregoni të gjitha të fshehtat tuaja, kjo është ordinnca e doktorit tuaj. Harrojeni ndrojtjen, doktori juaj është aty për tju ndihmuar dhe çdo informacion që ju do të ndani me të, do të shërbejë për të mirën e të dyve.
