Human Papilloma Virus (HPV) është infeksioni viral më i shpeshtë në sistemin riprodhues.  Numri më i madh i meshkujve dhe i femrave të cilët janë seksualisht aktivë mund të infektohen dhe të ri-infektohen në një periudhë të caktuar të jetës.  Sipas Dr. Kornelija Trajkova, gjinekologe në spitalin klinik Acibadem Sistina, infeksioni me HPV  zakonisht zhduket në mënyrë spontane, por ekziston rreziku tek çdo grua  që ky infeksion të bëhet kronik dhe të shkaktoj ndryshime të qelizave në qafën e mitrës, lezione parakanceroze të cilat nëse nuk zbulohen dhe trajtohen në kohë, shndërrohen në kancer invaziv. Konsiderohet se për zhvillimin e kancerit, tek gratë me sistem normal imunitar janë të nevojshme 15-20 vjet, ndërsa 5-10 vjet tek gratë me sistem të reduktuar imunitar, siç është për shembull  infeksioni HIV i patrajtuar.

Menopauza është periudha në të cilën gruaja nuk ka më cikël menstrual. Në të kaluarën, kjo periudhë fillonte në moshën 50 vjeçare të gruas, por sot një numër i madh i grave të reja futen në këtë cikël.  Menopauza paraqet një proces natyral biologjik, kur gruaja përfundon me procesin e riprodhimit (ovulimit), shpjegon Dr. Snezhana Timçeva Cvetkovska, gjinekologe – akushere në spitalin klinik “Acibadem Sistina”, megjithatë, mbetet e shëndetshme, vitale dhe seksualisht aktive. Menopauza nuk shkakton kancer, por  me kalimin e viteve  mund të rrisë rrezikun e zhvillimit të kancerit.

Vezoret janë dy organe të vogla të cilat ndodhen në të dyja anët e mitrës.  Ato prodhojnë hormone të cilat janë përgjegjëse për  shfaqjen e ciklit menstrual çdo muaj.  Vetëm me anë të rritjes së ndërgjegjësimit  dhe kryerjes së kontrolleve të rregullta, zbulohet në kohë kanceri ovarian (i vezoreve) dhe në këtë mënyrë rritet mundësia për shërimin e plotë, prandaj të nderuara gra, menjëherë rezervoni kontrollin tuaj gjinekologjik. Kanceri i vezoreve është kanceri i pestë për nga renditja, i cili shfaqet tek gratë  dhe i dyti përsa i përket sëmundjeve gjinekologjike.  Lidhur me faktorët e rrezikut, simptomat, diagnozën dhe trajtimin për shërim, biseduam me Dr. Daniela Jovanova, gjinekologe në spitalin klinik “Acibadem Sistina”.

Harroni farmacitë dhe shtrimin përmbys në krevat gjatë periudhës së PMS dhe dhimbjeve menstruale. Një përzierje e mirë e çajrave mund të jetë shpëtimtari më i mirë. Bimët të cilat përdoren për këto probleme zakonisht janë: nenexhiku, kamomili, sherbelja, rigoni, çaji jeshil, gjethe mjedre, xhenxhefili, kanella, jonxha, etj.

Gjinia: Kanceri i gjirit është më i përhapur tek gratë. Kanceri i gjirit ndodh tek më pak se 1% e meshkujve.

Mosha: kanceri i gjirit shfaqet tek gratë mbi moshën 50 vjeçar, dhe rrallë ndodh tek grate nën moshën 35 vjeçare. Në SHBA nga viti 2000 deri në vitin 2004, kanceri i gjirit është diagnostikuar tek 25 nga 100 mijë gra të moshësh nga 30-34 vjeç, 190 nga 100 mijë gra të moshës 45-49 vjeç, 455 nga 100 mijë gra të moshës 70-74 vjeç. Kanceri i gjirit i trashëguar apo kanceri i gjirit i shkaktuar nga çrregullime gjenetike, zakonisht është i pranishëm tek grate më të reja.

Rritja e sekretimit vaginal, zakonisht shfaqet si rezultat i infeksioneve vaginale (vaginiti ose kolpiti). Shfaqen duke filluar nga mosha më e re (colpitis uvenilen) deri në moshë më të vjetër (colpitis senil). Rritja e sekretit vaginal mund të jetë edhe me natyrë jo-infektive, për shkak të rritjes së sekretimit të mukozës vaginale dhe cervikale, veçanërisht gjatë periudhës së ovulimit. Nëse nuk trajtohen siç duhet, infeksionet vaginale mund të shkaktojnë edhe efekte të tjera anësore siç është steriliteti, aborti spontan, lindja e parakohëshme (tek gratë shtatzëna), inflamacioni i organeve pelvike dhe çrregullimet sistemike.

Dikush më pak dhe dikush më shumë, megjithatë, çdo grua gjatë periudhës së riprodhimit, përballet me sindramat paramenstruale (PMS). Konsiderohet se 85 % e grave, para fillimit të ciklit menstrual, ndjejnë simptoma si fryerje, dhimbje koke, lodhje dhe nervozizëm. Lexoni si ti kakloni më lehtë këto ‘ditë të këqija’ ndaj të cilave meshkujt nuk janë të prekur.

Kanceri i gjirit cili është një nga sëmundjet më të shpeshta tek gratë, pavarësisht metodave moderne terapeutike, kërkon mënjanimin radikal të gjirit. Kjo është një traumë e madhe fizike dhe psikologjike për gruan e cila nuk mund ta kapërcejë  pa ndihmë profesionale. Këshillimi psikologjik është zgjedhja e duhur për këtë problem të vështirë.

Emri mjekësor i ndryshimeve vaskulare të cilat ne i quajmë rrjedhje të kapilarëve apo zgjerim të kapilarëve, është kuperoza. Sasia e madhe e kapilarëve të zgjeruar të përqëndruar në një zonë, mbajnë emrin rrjete kapilare ose yje vaskulare. Shkak për shfaqjen e kapilarëve të zgjeruar janë muret e dobëta të enëve. Zakonisht ato shfaqen tek këmbët: kofshët, pulpa e këmbës, nyja e gjurit, nyja e poshtme e këmbës. Kapilarët e plasaritur mund të shfaqen edhe në pjesën e fytyrës, më së shumti në pjesën e faqeve dhe të hundës. Për dilemat rreth kësaj gjendje, përgjigje morëm nga Dr. Marina Jurukovska, kardiologe në spitalin klinik “Acibadem Sistina”.

Dhimbjet në pjesën e poshtme të barkut dhe të pelvisit tek gratë shfaqen shpesh dhe kjo ndodh si rrejdhojë e pranisë së shumë organeve në pjesën e poshtme të barkut dhe pelvisit të vogël. Në shumicën e rasteve është shumë e vështirë që të diagnostikohet origjina e dhimbjes, megjithëse, zakonisht ajo shfaqet nga sistemi urinar, zorrët apo sistemi riprodhues (mitra, vezoret apo tubat fallopiane). Dhimbja shpesh shfaqet tek ijet dhe më pas përhapet në pjesën e poshtme të barkut, majtas ose djathtas, dhe në pjesën e ndjeshme ndërmjet fundit të barkut dhe këmbëve, dhe këto dhimbje mund të shfaqen me intenzitet dhe kohëzgjatje të ndryshme.