Стресот, неправилната исхрана, надополнети со генетските фактори и секојдневниот брз ритам на живот придонесоа за вистинска „епидемија” на карцином на дигестивниот систем, посебно на дебелото црево.Прв аларм за присуство на ова заболување е појава на крв во изметот. Но,секое крвавење во изметот не значи и тумор на дебелото црево. За навремено откривање на ова сè почесто заболување од голема важност се  редовните превентивни прегледи за кои, за жал, луѓето немаат навика.

Не земајќи го предвид канцерот на кожа, канцерот на дебелото црево  е третиот најчест карцином кај машката и женската популација. Како и другите видови канцер, доколку рано се открие може да се излекува. Овој вид канцер се јавува како резултат на формирањето на абнормални клетки на ѕидовите на дебелото црево или ректумот.

Вашите црева комуницираат. Ова може да ви звучи чудно, но еве што значи: нашите црева даваат знаци за сè, од болести до стрес. Клучот е во тоа да знаете на што да внимавате – и што значат знаците.

Не постои такво нешто како „нормално“

Луѓето се различни. Така и нивниот фецес е различен. Големината, формата и конзистентноста на изметот се разликува од човек до човек. Наместо да барате што е „нормално“, внимавајте на промените. Дали одевте почесто во тоалет претходно, а сега имате проблеми? Дали изметот бил цврст, а сега веќе подолг период е течен? Кога ќе доживеете голема, забележителна промена која трае подолго време треба да го посетите вашиот доктор.