Shëndeti familjar Archives - Page 19 of 28

Shëndeti familjar

Dhimbja e kokës tek fëmijët

8 Gusht, 2016

Kur bie fjala për dhimbet e kokës, shpesh mendohet se ky është një problem me të cilin përballen vetëm të rriturit. Dhimbja e kokës tek fëmijët është shpesh arsyeja për kontroll apo konsultim tek mjeku padiatër neurolog. Sikurse tek të rriturit edhe tek fëmijët ekzistojnë lloje të ndryshme të dhimbjes së kokës, siç janë dhimbjet e përsëritura të migrenës apo dhimbje koke tensioni (të shkaktuara nga stresi) por edhe dhimbiet kronike të përditshme.

Mamografia në moshën 40 vjeçare

5 Gusht, 2016

Vetëkontrollet e shpeshta dhe kontrollet e rregullta mjekësore, ndihmojnë në zbulimin e hershëm të kancerit të gjirit dhe mundësinë e shërimit të tij të plotë. Dr. Maja Stojçevska Çapova, radiologe specialiste në “Acibadem Sistina” këshillon që çdo grua mbi moshën 30 vjeçare duhet të fillojë rregullisht me kryerjen e kontrolleve me ultratingull, ndërsa mbi moshën 36-40 vjeçare duhet të kryeni një herë në dy vjet kontroll mamografik të gjirit. Ky kufizim moshe vlen për ata persona të cilët nuk kanë asnjë rrezik në rritje.

Anët pozitive të ngrënies gjatë natës

4 Gusht, 2016

Është mjaft i njohur rregulli i artë i dietës “mos hani gjatë natës”, ose e thënë ndryshe, nëse doni që të rrisni peshën trupore, duhet të hani natën vonë. Studime të shumta tregojnë se konsumi i disa ushqimeve të caktuara gjatë natës, mund ta përshpejtojë metabolizmin dhe t’ju ndihmojë në dietën përtë arritur një peshë trupore ideale.

8 mënyra të thjeshta për të hequr yndyrën në pjesën e barkut

4 Gusht, 2016

A e dinit se orizi i bardhë rrit yndyrën në bark? Mund ta zëvendësojmë atë me një version tjetër integral ose me drithëra të tjera si kinoa (quinoa). Humbja e yndyrës në bark është ndoshta një nga sfidat më të mëdha me të cilat përballemi atëherë kur duam të humbasim peshë. Edhe pse dhjami ka tendencë që të lokalizohet në pjesë të ndryshme të trupit, barku është zona më e vështirë e cila kërkon më tepër punë, pasi ajo zonë kërkon më tepër përpjekje dhe vullnet.

Inkurajoni fëmijën tuaj për të mësuar edhe gjatë pushimeve verore

27 Korrik, 2016

Pas një viti të mundimshëm në shkollë dhe në punë, më në fund erdhi koha për pushimin aq të dëshirueshëm si për ju edhe për fëmijët tuaj. Pushim nga orët e shkollës, nga të ngriturit herët, nga detyrat e shtëpisë, por kjo nuk do të thotë se fëmijët duhet të pushojnë nga mësimet deri në muajin shtator. Pas studimit 10 mujor, pushimet duhet të jenë një periudhë për argëtim, hulumtim dhe zbulime të reja. Pushimet janë një periudhë e përkryer për të biseduar apo trajtuar tema për të cilat fëmijët shfaqin interes, veçanëisht për ato tema me të cilat ata janë njohur gjatë vitit shkollor.

Mos zbritja e testiseve në moshën e fëmijërisë

20 Korrik, 2016

Kriptorhizëm është kusht apo gjendje ku njëra apo të dyja testiset gjatë periudhës së zhvillimit fetal nuk kanë zbritur përmes kanalit inguinal në skrotum. Normalisht, procesi i zbritjes së testiseve ndodh pas javës së 28 të shtatzënisë. Por për fat të keq, tek disa foshnja ky ndryshim nuk ndodhë para lindjes dhe testisi ndalon ose në pjesën e parë të vendit në të cilin zhvillohet në hapësirën e barkut ose gjatë rrugës së tij drejt skrotumit ndalon në kanalin inguinal. Tek një pjesë e këtyre foshnjave, gjendja korrigjohet dhe testiset zbresin gjatë muajve të parë të lindjes. Mjekët pediatër thonë se kjo gjendje është mëse normale tek bebet e lindura para kohe. Zakonisht bëhet fjalë vetëm për njërin testis, tek 10% e tyre ndodhe që të mos zbresin të dyja testiset.

Çrregullimet e ciklit menstrual duhet të shqyrtohen

18 Korrik, 2016

Përshëndetje,

Jam 41 vjeçe, kam kryer gjithmonë kontrolle të rregullta dhe gjithçka ka qenë siç duhet. Para një viti më kanë filluar simptomat e menopauzës. Ndonjë muaj kam menstruacione, ndonjë muaj nuk kam. Tani kam gjakderdhje gjatë gjithë muajit, ndonjëherë më shumë ndonjëherë më pak , por nuk ndalon. Kam shkuar tek gjinekologu, më ka thënë se tani për tani është gjithçka në rregull, por nëse gjakderdhja vazhdon për një kohë më të gjatë duhet të kryej kontroll. Do të doja të dija nëse kjo është diçka serioze apo është çrregullim hormonal , dhe nëse duhet të pij diçka për ta ndaluar gjakderdhjen apo duhet të bëj pastim (curettage). Faleminderit dhe do t’ju lutesha që të më përgjigjeni sa më shpejtë të jetë e mundur. Gjithë të mirat!

Katër gjëra normale tek të porsalindurit

18 Korrik, 2016

Sëbashku me të porsalindurin vijnë edhe ditët e mbushura plot me ndjenja të përziera, me dashuri, kujdes dhe përkushtim. Doni që gjithçka të jetë në rregull me vogëlushin tuaj, kaloni orë të tëra duke e shikuar dhe analizuar çdo detal të tij. Në vijim ju japim këshilla se si të bëni dallimin ndërmjet atyre gjërave të cilat janë normale dhe atyre të cilat duhet t’ju shqetësojnë.

Kondicioneri duhet të ftohë ambientin tuaj, por jo juve

18 Korrik, 2016

Gjatë temperaturave tepër të larta në periudhën e verës, qëndrimi në ambient të freskët ju relakson. Sapo mbërrini në shtëpi, menjëherë drejtoheni drejt telekomandës së kondicionerit. Gjetë periudhës së verës, rritet së tepërmi përdorimi i kondicionerit. Pothuajse çdo shtëpi, vend pune apo makinë është e pajisur me kondicioner. Meqënëse, të tre këto hapësira janë pjesë e përditshmërisë në jetën tonë, formojnë një zinxhir të pashkëputur të qëndrimit në ambient të freskët gjatë këtyre ditëve të nxehta të stinës së verës.

Simptomat të cilat tregojnë disbalancë hormonale

11 Korrik, 2016

Ndiheni të fryrë, nervozë apo thjesht kjo nuk është dita juaj më e mirë. Fajtorët për faktin që ndiheni kështu mund të jenë hormonet. Hormone janë përbërës kimik të cilët ndikojnë në funksionimin e qelizave dhe të të gjithë organizmit. Është mëse normale nëse ndikimi i tyre varion në një periudhë të caktuar të muajit, zakonisht para dhe gjatë ciklit menstrual. Disbalancimi hormonal ndodh gjatë menopauzës. Përveç kësaj, ndryshimi i hormoneve mund të ndodhë si rezultat i sëmundjeve apo pirjes së disa ilaçeve të caktuara.