Kanceri i stomakut rrjedh nga mukoza e brendshme e stomakut. Sumundja shfaqet ngadalë dhe në heshtje, pa shfaqur simptoma në fillim. Shpesh ky lloj kanceri lidhet me infeksionin helikobakter pilori, i cili gjendet në mukozën gastrike (të stomakut) dhe transmetohet me anë të gojës. Sipas Organizatës  Botërore Shëndetësore, kjo baktere është shkaku kryesor apo fajtori numër një i shfaqjes së kancerit në stomak. Për simptomat më të zakonshme, diagnozën dhe trajtimin e kësaj sëmundje biseduam me Dr. Vladimir Avramoskin, specialist në kirurgjinë digjestive, dhe me Dr. Deva Petrova, onkologe në spitalin klinik “Acibadem Sistina”.

Zbuluam ndryshim malinj prej 3 mm gjatë kontrollit sistematik me anë të mamografisë, kanceri i gjirit ishte në fazë fillestare, e përfunduam atë vetëm me një veprim të vetëm, pacienten 46 vjeçare e operuam menjëherë, tashmë e konsiderojmë të shëruar. Nëse kjo grua nuk do të kishte ardhur në kontroll, do të kishte kaluar tepër kohë dhe kur ky ndryshim do të rritej dhe do të mund të dallohej me anë të prekjes me dorë, atëherë, fatkeqësisht, kanceri mund të jetë përhapur, dhe nëse pacientja do ta dallonte vetë, atëherë me siguri do të ishte vonë për ta shpëtuar jetën e saj – shprehet Dr. Xhengis Jashar, patolog dhe Shef i laboratorive diagnostikuese, në spitalin klinik ‘’Acibadem Sistina’’ në Shkup.  

Kërkimet e fundit kanë treguar se ushqimi jo i mirë është përgjegjës për pothuajse 1/3 e numrit të përgjithshëm të sëmundjeve malinje, prandaj,  vëmendja ndaj këtij rrezik faktori shfaqet si një nga segmentet më të rëndësishme  në trajtimin e pacientëve me kancer.  Konsumimi i produkteve të shëndetshme para, gjatë dhe pas trajtimit, mund t’ju ndihmojë të ndiheni më mirë dhe të shëroheni më shpejt.  Ushqimi i balancuar mirë, është veçanërisht i rëndësishëm për shkak se kjo diagnozë serioze  ka një karakter epidemik, mund të shkaktojë edhe humbjen e oreksit.  Sipas Dr. Aleksandra Haxhi Dimova, dietologe në spitalin klinik ‘’Acibadem Sisitina’’ kanceri është një sëmundje e çrregullimit kronik të metabolizmit, ndaj  ushqimi mund të veprojë në proceset biokimike në trup, me qëllim për të ndihmuar në parandalimin e proceseve kancerogjene, të rrisë imunitetin dhe ta rikthejë metabolizmin në një nivel normal, këtë gjë mund ta bëjë ushqimi i cili është imunostimulues dhe që përmban lëndë ushqyese për luftimin e qelizave malinje. 

Pas kryerjes së trajtimit kirurgjik, në procesin e shërimit të kancerit të gjirit, pacientët kanë mundësi për trajtim onkologjik dhe radioterapeutik. Në varësi të vendosjes së diagnozës histopatologjike, fazës së sëmundjes dhe gjetjeve të analizave imunohistokimike tek këta pacientë kryhet terapia hormonale, kimioterapia apo terapia me rrezatim. Dr. Deva Petrova, onkologe në spitalin klinik “Acibadem Sistina”, shprehet se zakonisht bëhet kombinim i këtyre modaliteteve të trajtimit, në varësi të fazës së sëmundjes.

Trupi i femrës është i nënshtruar ndaj ndryshimeve të shpeshta, ndonjëherë ndryshimet janë normale, por ndonjëherë mund të jenë dhe shenjë e ndonjë sëmundje të caktuar. Për këtë arsye është e rëndësihme që të zbulohen dhe të reagohet menjëherë, në mënyrë që sëmundja të zbulohet dhe të trajtohet në kohë. Cilat janë simptomat më të zakonshme që tregojnë praninë e mundshme të kancerit te gratë, përgjigje  për këtë morëm nga Dr. Deva Petrova, onkologe – radioterapeute në Spitalin klinik ‘Acibadem Sistina’.

Rezonanca magnetike është metodë e cila nuk përdor rrezatim jonizues. Ajo është një metodë e cila gjatë procesit të dhënies së imazhit përdorë fushën magnetike me ndihmën e disa sinjaleve të radio frekuencave, ndaj të cilave reagojnë atomet e hidrogjenit (trupi i njeriut është i përbërë nga 70% ujë, dhe 70% janë atome të hidrogjenit).

Formula të ndërlikuara matematikore dhe koncepte të komplikuara fizike përdoren në këtë teknikë në procesin e marrjes së imazhit.

Kanceri tiroid shfaqet atëherë kur qelizat tiroide pësojnë ndryshime gjenetike (mutacione). Zakonisht shfaqen nyje, të cilat mund të ndihen gjatë prekjes nnëpërmjet lëkurës së qafës, por mund edhe të mos preket nëse shfaqet në dimenzione të vogla. Madhësia e nyjes mund të ndryshojë, ajo është e përbërë nga qeliza të cilat i ndryshojnë karakteristikat e tyre.  Është e nevojshme që të kryhen diagnostikime të tjera, siç është kontrolli ultrasonografik i gjendrës tiroide, më tej skanimi i gjendrës tiroide, si dhe biopsia me gjilpërë të hollë nën kontrollin e ultratingullit. Nyjet mund të klasifikohen në të nxehta dhe të ftohta. Më seriozisht duhet të veprohet ndaj nyjeve të ftohta pasi 15% e tyre mund të jenë kancerogjene.  Specialistët e mjekësisë bërthamore Dr. Liljana Muratovska dhe Biljana Crcareva në spitalin klinik ‘Acibadem Sistina’, me rastin e muajit të kancerit të gjendrës tiroide, këshillojnë që pacientët të cilët kanë nyje skenografike të ftohta të bëjnë biopsinë me anë të gjilpërës së hollë, me qëllim për të përcaktuar nëse nyja është kancerogjene apo jo.

Shumë tumore malinje metastazohen në tru. Kjo do të thotë se qelizat e tumorit nga vendi fillestar I shjfaqjes së tyre, përhapen  (zakonisht nëpërmjet qarkullimit të gjakut) në tru.  Ka shumë raste në të cilat tek pacienti fillimisht zbulohet tumori i trurit (I cili përcaktohet se në fakt është metastatik) dhe më pas me anë të shqyrtimeve të tjera shtesë zbulohet tumori primar.  Dijenia për ekzistencën e metastazës në tru është një stres Iivërtetë si për pacientin ashtu edhe për anëtarët e familjes së tij.

Kanceri kolorektal po merr një vrull gjithnjë dhe më të madh.  Ajo çfarë është shqetësuese është ulja e kufirit të moshës, që do të thostë se gjithnjë dhe më tepër të rinj preken nga kjo sëmundje e fshehtë.  Sipas Prof. Dr, Vasko Vasilevskit, gastroenterolog në spitalin klinik ‘Acibadem Sistina’, kanceri i zorrës së trashë zakonisht shfaqet nga polipe të cilat shfaqen në mukozën e zorrës së trashë, dhe më pas shndërrohet në kancer, prandaj është e rëndësishme që këto ndryshime të zbulohen  dhe të mënjanohen në kohë.

Vdekshmëria nga kanceri i gjirit është në vendin e parë si në Maqedoni ashtu edhe në botë.  Vitin e kaluar në vendin tonë u zbuluan 1200 raste të reja . Sipas qendrës ndërkombëtare kërkimore për kancer ‘Globokan’, Maqedonia është një nga vendet e pakta në Europë ku vdekshmëria nga kanceri i gjirit këto 15 vitet e fundit është rritur rreth 9%. Përsa i përket numrit të vdekshmërisë nga kanceri i gjirit, Maqedonia renditet në vendin e tretë në Europë.