Невромониторинг е процедура за следење на функционалната состојба на мозокот, рбетниот мозок, периферните нерви за време на хируршки интервенции. Д-р Милчо Демерџиев, невролог во Клиничката болница „Аџибадем Систина”, објаснува дека целта на невромониторингот е да се следи функцијата на нервниот систем за време на хируршки интервенции за да се намалат ризиците од повреди на нервно ткиво.
Предности на невромониторинг
Секоја хируршка интервенција, особено неврохируршката, е ризична интервенција бидејќи може да настанат ненамерни оштетувања на нервните структури. За време на интервенцијата хирургот но може да ги предвиди бидејќи нема јасна слика во оперативното поле. Потенцијалната повреда на нервните структури најчесто е видлива по операција, односно по будење на пациентот, кога веќе е доцна за какви било корекции. ‘За да се спречат овие последици, со помош на невромонитрингот може да се разграничат делови кои контролираат витални функции и движењето и да се спречи нивна повреда при операција.
Како се изведува?
Прво се прави план за операцијата, во консултација со хирургот, кој дел од нервниот систем ќе биде опериран. Пред операција се поставуваат електроди на различни места на телото во зависност од постапката што се изведува. Овие електроди се користат за да се испратат електрични импулси низ телото, со кои се следат нерв ните патишта.
Кој ги користи информациите?
Неврологот на невромониторингот ги следи овие сигнали во текот на операцијата. Во исто време го информира хирургот, од каде да оперира и го предупредува доколку во близина на оперативното поле има нервно ткиво кое ги контролира виталните функции и движењата на пациентот.
Bo кои хируршки интервенции се применува?
Co невроминиторинг се третираат сите опсрации каде постои ризик од повреда на нерви. Најмногу во неврохирургија, ортопедија, трауматологија.
– Неврохирургија се третираат тумори на глава, тумори ма ‘рбетен мозок, тумори на нерви, повреди ма периферни нерви.
– Ортопедија за третман на сколиози, трауми и фрактури на прешлени.
– Тораковаскуларна хирургија кај тумори на тироидна жлезда за да се разграничи кај е нервот за гласните жици.
– Кардиохирургија при големи операции на аорта при што се добива информација за крвоснабдување на ‘рбетниот мозок.
– Максилофацијална хирургија да не дојде до повреда на лицевиот нерв.
Невромониторинг вo „Аџибадем Систина”
Клиничката болница „Аџибадем Систина” е единствена болница во Македонија која во функција го има најсовремениот апарат за невромониторинг. Сите интервенции на мозокот и ‘рбетниот мозок во болницата се изведуваат со највисок процент ма безбедност.
